قازاقستاننىڭ «قازسات-2 » جەر سەرىگى جۇمىسىن توقتاتادى

بۇل تۋرالى استانادا قازاقستان مەن رەسەيدىڭ ىنتىماقتاستىعىنا ارنالعان «دوڭگەلەك ۇستەل» بارىسىندا تىلشىلەرگە ق ر قورعانىس جانە ايروعارىش ونەركاسىبى ۆيتسە- ءمينيسترى مارات نۇرعوجين ءمالىم ەتتى، دەپ حابارلايدى قازاقپارات.

 «بىزدە سپۋتنيكتەردى جوسپارلى اۋىستىرۋ شارالارى ەسكەرىلگەن. ءاربىر اپپاراتتا قىزمەت كورسەتۋ مەرزىمى بار. 2023 -جىلعا قاراي «KazSat-2» جەر سەرىگىن اۋىستىرۋعا ءتيىسپىز. سونىمەن قاتار بىزدە جەردى قاشىقتىقتان زوندتاۋ جۇيەسى جۇمىس ىستەۋدە. اۋا رايى جاعدايىنا قارامايتىن رادارلىق سپۋتنيكتى ىسكە قوسۋدى قاراستىرماقپىز، ياعني ول كۇندىز دە، تۇندە دە جۇمىس ىستەۋگە قاۋقارلى. اتاپ ايتقاندا، جەر سەرىكتەرىن اۋىستىرۋ بويىنشا، سونداي- اق قولدانىستاعى جۇيەنى دامىتۋ تۇرعىسىندا جوسپار دايارلادىق»، - دەدى نۇرعوجين.

 ونىڭ سوزىنە قاراعاندا، قازىرگى كەزدە ينۆەستيتسيالىق جوبا قارالىپ جاتىر. ازىرگە «KazSat-2» اپپاراتىن الماستىراتىن «KazSat-2-Р» جەر سەرىگىنىڭ قۇنى بەلگىسىز. بۇدان بولەك، ۆيتسە- مينيستر بۇرىندارى «زەنيت» زىمىراندارى ۇشىرىلعان «بايقوڭىر» عارىش ايلاعىنداعى مونتاجدى- سىناق كەشەنى رەسەيدىڭ جالعا الۋىنان شىعارىلىپ، قازاقستاندىق «بايتەرەك» كاسىپورنىنا تاپسىرالاتىنىن ايتتى.

وسى رەتتە «بايتەرەك» كەشەنى ءۇشىن زىمىراندار رەسەي فەدەراتسياسى تاراپىنان جەتكىزىلەدى. ولار «فەنيكس» جوباسىنىڭ ورتاشا زىمىراندارى. شامامەن «بايتەرەك» كەشەنىنەن وسى زىمىرانداردى ۇشىرۋ 2024 -جىلعا جوسپارلانىپ وتىر.

 اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى