ريو-دە-جانەيرو: 2 ميلليون ادام عالامات وتشاشۋدىڭ كۋاسى بولدى

16 مينۋتقا سوزىلعان وسى كەرەمەت مەزەتتى 2 ميلليون ادام تاماشالاعان. عاجايىپ ساليۋتتى اتقىلاۋعا 24 توننا فەيەرۆەرك جۇمسالىپ، ادەمى ءساتتى تاسپاعا ءتۇسىرىپ الۋ ءۇشىن ءار جەرگە 30 بەينەكامەرا ورناتىلدى.

الەمگە ايگىلى كوپاكابانا جاعاجايىنا جينالعان جۇرت بولسا، ءبىرىن-ءبىرى قۇشاقتاپ، قۇتتىقتاپ، ءتىپتى كەيبىرى سۋعا شومىلىپ العان. جەرگىلىكتى اقپارات قۇرالدارىنىڭ مالىمەتى بويىنشا، جاڭا جىل كۇنى قاۋىپسىزدىكتى قامتاماسىز ەتۋگە 2 مىڭنان استام پوليتسەي تارتىلدى.

بۇل بىلتىرعىعا قاراعاندا 28 پايىزعا كوپ. تۋريستىك كومپانيا وكىلدەرى: «ءدال جاڭا جىل ءتۇنى قالاعا 900 مىڭعا جۋىق تۋريست كەلىپ، قازىناعا 700 ميلليون دوللار قارجى قۇيدى»، - دەيدى. ايتا كەتەيىك، بيىل ريو-دە-جانەيرودا جازعى وليمپيادا ويىندارى وتەدى.

ماريا روكە، ريو-دە-جانەيرو تۇرعىنى:

- 2016-جىل جاقسىلىققا تولى بولادى دەپ سەنەمىن. سەبەبى برازيليالىقتارعا يگىلىكتى كۇندەر كوپ بولادى دەگەن ءۇمىت كەرەك.

انتونيو روكە، ريو-دە-جانەيرو تۇرعىنى:

- 2016-جىلى جاقسىلىقتار كوپ بولادى دەگەنگە ءوز باسىم اسا سەنە قويمايمىن. مەنىڭ ويىمشا، داعدارىس دەندەي تۇسەتىن سياقتى. ەڭ باستىسى، مىقتى دەنساۋلىق بولسىن.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى