اۋدارىسپاق سپورتىنان 2- اشىق ازيا چەمپيوناتى قىتاي ەلىندە وتەدى - فوتو
دەپ حابارلانعان قاۋىمداستىق سايتىندا.
جيىنعا قازاقستان رەسپۋبليكاسى ۇلتتىق سپورت تۇرلەرى قاۋىمداستىعىنىڭ پرەزيدەنتى بەكبولات تىلەۋحان، ۇلت سپورتىنىڭ جاناشىرلارى مەن «نۇر وتان» پارتياسىنىڭ وكىلى، رەسپۋبليكا كولەمىندەگى ۇلتتىق سپورت مەكتەپتەرى مەن ۇلتتىق سپورت كلۋبتارىنىڭ ديرەكتورلارى، ۇلتتىق سپورت فەدەراتسيالارىنىڭ باسشىلارى جانە تورەشىلەر مەن جاتتىقتىرۋشىلار قاتىستى.
جيىندى اشىپ ءسوز سويلەگەن بەكبولات قاناي ۇلى ق ر ۇلتتىق سپورت تۇرلەرى قاۋىمداستىعىنىڭ 2015 - جىلى اتقارعان جۇمىستارىن، الداعى 2016 - جىلدىڭ كۇنتىزبەلىك جوسپارىن تولىق تانىستىردى.
قاۋىمداستىقپەن 2016 - جىلعا جوسپارلانعان شارالار ىشىندە حالىقارالىق جارىستاردان اقمولا وبلىسىنىڭ بۋراباي اۋدانىندا وقجەتپەس تاۋىنىڭ ماڭىندا جامبى اتۋدان «التىن جەبە» 1- حالىقارالىق فەستيۆال- تۋرنيرى مەن ۇلى دالا ويىندارىن وتكىزۋ جوسپارلانۋدا. سونىمەن قاتار اۋدارىسپاق سپورتىنان Ⅱاشىق ازيا چەمپيوناتى قىتاي ەلىندە وتەدى دەپ كۇتىلۋدە. ال كوكپاردان Ⅱاشىق ازيا چەمپيوناتىن وتكىزۋدى تۇركيا ەلى قالاپ وتىر ەكەن. قوعام قايراتكەرى ا. اسقاروۆتىڭ حالىقارالىق تۋرنيرى قاراشا ايىندا وڭتۇستىك قازاقستان وڭىرىندە ۇيىمداستىرىلماق.
ات بايگەسى تۇرلەرىنەن ق ر پرەزيدەنت كۋبوگىنا ارنالعان رەسپۋبليكالىق تۋرنيردى الماتى وبلىسىندا وتكىزۋ جوسپارلانۋدا. ال الامان بايگەدەن 51 شاقىرىمدىق Ⅲ رەسپۋبليكالىق «التىن تۇلپار» تۋرنيرى اقمولا وبلىسىنىڭ قابانباي اۋىلىنىڭ ماڭىندا وتەدى.
كوكپاردان كلۋبتىق كوماندالار اراسىندا 1- رەسپۋبليكالىق تۋرنير الماتى وبلىسىندا وتكىزىلمەك. جاسوسپىرىمدەر اراسىندا (1998-2000 -جىلى تۋعان) كوكپاردان V، اۋدارىسپاقتان V، تەنگە ىلۋدەن V، جامبى اتۋدان 2- قازاقستان رەسپۋبليكاسىنىڭ چەمپيوناتى تامىز ايىندا جامبىلدا وتەدى. جاستار اراسىندا كوكپاردان ءحىى، اۋدارىسپاقتان ءحىى، تەنگە ىلۋدەن ح، جامبى اتۋدان ⅲقر چەمپيوناتى قازان ايىندا اقتوبەدە وتەدى. ەرەسەكتەر اراسىندا كوكپاردان 16، تەڭگە ىلۋدەن 10، اۋدارىسپاقتان 16، جامبى اتۋدان 2، ەرەسەكتەر اراسىنداعى ق ر چەمپيوناتى ءساۋىر ايىندا الماتى وبلىسىندا وتپەكشى.
جيىندا كوكپار ويىنىنىنىڭ ەرەجەسىن تالقىلانىپ، وعان قاتىستى ءبىرقاتار شەشىمدەر قابىلداندى. سونىمەن قاتار ۇلتتىق سپورتقا ەڭبەك ءسىڭىرىپ جۇرگەن ايماق باسشىلارى مەن سپورتشىلار العىس حاتپەن ماراپاتتالدى. ولاردىڭ قاتارىندا و ق و ۇلتتىق سپورت مەكتەبىنىڭ ديرەكتورى عاني احمەتبايەۆ، ق ر كوكپاردان قۇراما كومانداسىنىڭ باس جاتتىقتىرۋشىسى قۋانىشبەك قۇرامايەۆ، ق ر ۇلتتىق سپورت تۇرلەرىنەن مەملەكەتتىك اعا جاتتىقتىرۋشى نۇركەن بايبوريەۆ، ۇزدىك اسىق ويىنشىسى مۇحتار احمەتوۆ، كوكپارشى يسلامحان بورانبايەۆ، ۇزدىك توعىز قۇمالاق ويىنشىسى اسەل داليەۆا جانە تاعى باسقالارى بار.
باقىتجول كاكەش
