قازاقستان-نيدەرلاند اراسىنداعى ماتچتىڭ 2- تايمىندا قوناقتار ەسەبىن ەسەلەي ءتۇستى

ويىننىڭ 50- مينۋتىندا نيدەرلاندىق فۋتبولشى ۋيەسلي سنەيدەر قازاقستان قۇراماسىنىڭ قاقپاسىنا 2- گول سوقتى. 1- تايمنىڭ 33- مينۋتىندا نيدەرلاندىق فۋتبولشى ۆەينالدۋم ەسەپ اشقان بولاتىن. ايتا كەتەرلىگى، ويىننىڭ 5- مينۋتىندا باۋىرجان يسلامحان جاراقات الىپ، ونىڭ ورنىنا جاسىل الاڭعا قازىبەك گەتەريەۆ شىققان ەدى.

ماتچقا فرانسيالىق رەفەري كلەمان تۋرپەن باستاعان تورەشىلەر توبى قازىلىق ەتۋدە. ەستە بولسا، بۇل تورەشى 2011 - جىلى تۇركيا-قازاقستان ماتچىندا قىزمەت اتقارعان بولاتىن. سول ويىن 2:1 ەسەبىمەن تۇرىك فۋتبولشىلارىنىڭ جەڭىسىمەن اياقتالعان ەدى. ال، تۋرپەن سول كەزدەسۋدە 5 سارى قاعاز كورسەتىپ، تۇركيا قۇراماسىنىڭ فۋتبولشىسى ينان سەلچۋكتى الاڭنان قۋدى. قازاقستان قۇراماسىنىڭ ساپىندا الەكساندر موكين، يۋريي لوگۆينەنكو جانە تاڭات نوسەربايەۆ سارى قاعاز الدى. سونىمەن قاتار، قازاقستان قۇراماسىنىڭ قاقپاسىنا پەنالتي بەلگىلەندى. الايدا، ون ءبىر مەترلىك ايىپ دوبىن ورىنداعان بۋراك يىلماز قاقپاشى الەكساندر موكيننەن ايلاسىن اسىرا المادى.

33 جاستاعى فرانسيالىق تورەشىگە وتانداستارى فرەدەريك كانو مەن نيكوليا دانو كومەكتەسەدى. ءتورتىنشى تورەشى - حيشمان زاكراني. تورەشىنىڭ قوسىمشا كومەكشىلەرى - فرەدي فوترەل مەن بەنۋا باستەن.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى