الماتى وبلىسىندا «تاقيالى پەرىشتە-2» فيلمى تۇسىرىلۋدە

فيلمنىڭ العاشقى ەپيزودتارى الماتى وبلىسىنا قاراستى قىزىل اسكەر اۋىلىندا وتۋدە.

كارتينانىڭ ەكىنشى ءبولىمىن ءتۇسىرۋدى كينەماتوگرافيست مارات سارسەنبايەۆ پەن گۇلبارشىن ءابۋوۆا قولعا الماق. ال بۇل يدەيانى جانداندىرۋشى جانە سەناري اۆتورى - قۇسمان شالابايەۆ. فيلمنىڭ رەجيسسەرى قىرعىزستاننىڭ تانىمال كينو مامانى ءارى اكتەر نايزابەك سىدىقوۆ.

جوبا جەكە ينۆەستيتسياعا تۇسىرىلەتىن بولادى. فيلمنىڭ سيۋجەتىندە كوپ جىلدار وتكەننەن كەيىن ءبىرىنشى بولىمدەگى وقيعا قايتالانادى. الايدا، بۇل جولى كەلىندى تايلاقتىڭ ۇستازى ءوزىنىڭ نەمەرەسىنە ىزدەستىرەدى.

«تاقيالى پەرىشتە» فيلمىنىڭ جالعاسىنا ءبىرىنشى بولىمىندەگى تايلاقتىڭ ۇستازىنىڭ ءرولىن سومداعان ءالىمعازى رايىنبەكوۆ جانە بيبىگۇل تولەگەنوۆا، شولپان التايبايەۆا قاتىسادى. سونىمەن قاتار ولارعا داۋلەت ءابدىعاپاروۆ پەن ديماش احيموۆ قوسىلادى. نەمەرەنىڭ ءرولىن جاس اكتەر ولجاس توعىمبەت سومداسا، ونىڭ قالىڭدىعىنىڭ ءرولىن «الماتى ارۋى-2014» بايقاۋىنا قاتىسقان جاس اكتريسا ءاليا دانياروۆا وينايدى.

ەستەرىڭىزگە سالساق، «تاقيالى پەرىشتە» فيلمى كەلىن ىزدەپ جۇرگەن انا جايىنداعى قىزىقتى وقيعا جەلىسىمەن عانا ەمەس، باستى رولدەگى اكتەرلەردىڭ تاماشا ويىنى مەن الەكساندر زاتسەپيننىڭ «تى كۋدا، وديسسەي» ءانى ارقىلى دا تانىمال بولعان تۋىندى. بۇگىنگى كۇنى كارتينانى تەك ۇلكەندەر عانا ەمەس، جاستار دا اسقان قىزىعۋشىلىقپەن تاماشالايدى، دەپ حابارلايدى baistars.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى