تۇركىستانعا سوڭعى ءۇش جىلدا 2 ميلليوننان استام تۋريست كەلگەن

وعان قوسا، 2013-جىلى كەسەنەگە 700 مىڭنان استام تۋريست كەلسە، 2014-جىلى 1 ميلليونعا جۋىق ادام كەلگەن. ال 2015-جىلدىڭ 6 ايىندا 594,8 مىڭ تۋريست تابان تىرەگەن.

بۇل تۋرالى و ق و اكىمىنىڭ باسپا ءسوز قىزمەتىنەن حابارلادى.

«بۇل ءوز كەزەگىندە كەلۋشىلەرگە ىڭعايلى جاعداي مەن كورسەتىلگەن قىزمەتتىڭ ناتيجەسى»، - دەدى قالا اكىمى ءا. وسەربايەۆ «وڭتۇستىك» اقپارات ورتالىعىندا وتكەن باسپا ءسوز ءماسليحاتىندا.

بريفينگتە قالا باسشىسى وسى جىلدىڭ 6 ايىندا ايماقتا اتقارىلعان جۇمىستاردى باياندادى. ونىڭ ايتۋىنشا، بيىلعى جارتىجىلدىقتا قالانىڭ وڭىرلىك ءونىمى 29 ميلليارد 359,4 ميلليون تەڭگەنى قۇراعان. ونىڭ 17,0 پايىزى ونەركاسىپ سالاسىنا، 19,4 پايىزى اۋىل شارۋاشىلىق سالاسىنا، 22,1 پايىزى نەگىزگى كاپيتالعا تارتىلعان ينۆەستيتسياعا جانە 41,5 پايىزى تاۋار اينالىمى مەن قىزمەتتەردى وتكىزۋ كولەمىنە تيەسىلى. ال حالىقتىڭ جان باسىنا شاققانداعى جالپى وڭىرلىك ءونىم 115,3 مىڭ تەڭگەنى قۇراعان. بۇگىندە 260 مىڭعا جۋىق حالقى بار قاسيەتتى شاھاردا اتقارىلعان شارۋالار اۋقىمدى. حالىقتىڭ تۇرمىس-تىرشىلىگى مەن الەۋمەتتىك بەلسەندىگى ارتىپ كەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى