ا ق ش پوليتسياسى ورتا ەسەپپەن كۇن سايىن 2 ادام اتىپ ولتىرەدى ەكەن
وقۋ-جاتتىعۋ باراسىندا ءتارتىپ ساقشىلارىنا ادامعا وق اتۋدان بۇرىن ومىرگە قاۋىپ توندىرمەيتىن وزگە تاسىلدەرگە جۇگىنۋدى ۇيرەتەدى. سوڭعى جىلدارى امەريكادا بىردەن قارۋ كەزەنىپ، ازاماتتاردى ەش سەبەپسىزدەن اتىپ ءولتىرۋ وقيعالارى جيىلەپ، تۇرعىنداردىڭ قۇقىق قورعاۋشىلارعا دەگەن سەنىمسىزدىگى مەن نارازىلىعىن كۇشەيتىپ جىبەرگەنى جاسىرىن ەمەس.
ا ق ش- تىڭ لاس-ۆەگاس قالاسىندا پوليتسياعا ارنالعان ترەنينگ باستالدى. وقۋ-جاتتىعۋ كەزىندە ماماندار ءتارتىپ ساقشىلارىنا ادامعا وق اتپاس بۇرىن سابىر ساقتاپ، ولىمگە اپارمايتىن باسقا ارەكەتتەر جاساۋدى ۇيرەتەدى. شاراعا ادىلەت دەپارتامەنتى مۇرىندىق بولعان.
«ادام اتۋ وقيعالارى تەك لاس-ۆەگاستا عانا بولىپ جاتقان جوق. باسقا جاقتاردا دا قان توگىلىپ جاتىر. بۇل ترەنينگتەر وفيتسەرلەردىڭ بىردەن قارۋعا جۇگىنەتىن وقيعالار قاتارىن سيرەتەدى دەپ سەنەمىن»، - دەيدى ۋيلليام سۋسا، نيەۆانا ۋنيۆەرسيتەتىندەگى قىلمىس جانە ادىلەت ساياساتى ورتالىعىنىڭ ديرەكتورى.
پوليتسەيلەرگە ارنالعان مۇنداي ترەنينگتىڭ لاس-ۆەگاستا ءوتۋى تەگىن ەمەس. وسىدان 4 جىل بۇرىن وفيتسەر قارۋسىز 43 جاستاعى مۇگەدەك ءارى سوعىس ارداگەرى ستەنلي گيبسوندى كولىگىنىڭ ىشىندە وتىرعان جەرىندە اتىپ ولتىرگەن بولاتىن. پوليتسەي جۇمىسىنان شىعارىلعانىمەن، ەشقانداي جازا الماعان. ارتىندا قالعان جەسىرى لاس-ۆەگاستاعى ورتالىق پوليتسيا باسقارماسىنىڭ قۇربانىنا اينالعانىن ايتادى.
«پوليتسيا نەگە وسىنداي قاتىگەزدىككە بارادى؟ مۇنىڭ سەبەبىن ەشكىم دە ءتۇسىندىرىپ بەرە المايدى. ول مەنىڭ جان سەرىگىم بولاتىن. قازىرگى ءومىرىم - ءومىر ەمەس»، - دەيدى مارقۇم ستەنلي گيبسوننىڭ جەسىرى روندا گيبسون.
«پوليتسەيلەر وعان «قولىڭدى كوتەر!» دەدى. ءبىراق ستەنليدىڭ ولەردەي قورقىپ، قيمىلداۋعا شاماسى بولمادى. پوليتسيا كىشكەنە ۇستامدى بولۋى كەرەك ەدى»، - دەيدى لارري كرانتس، ستەنلي گيبسوندى اتقان وقيعا كۋاگەرى.
امەريكادا ءبىر عانا ناۋرىز ايىندا پوليتسيا وعىنان اجال قۇشقانداردىڭ سانى اۆستراليادا سوڭعى 19 جىلدا باقيلىق بولعانداردان اناعۇرلىم كوپ بولعان. مۇنداي ستاتيستيكانى «گارديان» گازەتى جاريالادى. وسى جىلدىڭ العاشقى 24 كۇنىندە امەريكالىق پوليتسەيلەر سوڭعى 24 جىلدا بريتاندىق وفيتسەرلەر مەرت قىلعان ادامداردان دا كوپ ازاماتتى جەر جاستاندىرعان. وسىلايشا، ورتا ەسەپپەن العاندا ا ق ش- تا كۇن سايىن پوليتسيا 2 ادامدى اتىپ ولتىرەدى ەكەن. وسى جىلدىڭ مامىر ايىنىڭ اياعىنا دەيىن ولار 385 ادامدى و دۇنيەگە اتتاندىرعان. مارقۇمداردىڭ 49 ىندا قارۋ بولماپتى. ال 13 ءى جاي ويىنشىق تاپانشا ۇستاپ تۇرعان.
