جامبىل وبلىسىنىڭ اكىمى تارازدا ورتەنگەن اكىمشىلىك عيماراتتى 2 كۇننىڭ ىشىندە قالپىنا كەلتىرۋدى تاپسىردى
ءوڭىر باسشىسى وبلىس اكىمدىگىنىڭ باسقارمالارى مەن باسقا دا مەكەمەلەر ورنالاسقان عيماراتتى 2 كۇننىڭ ىشىندە قالپىنا كەلتىرۋدى تاپسىردى.
- كەشە تۇستەن كەيىن اتالعان عيماراتتا ەلەكتر جەلىسىنىڭ تۇيىقتالۋىنان ءورت شىعىپ، 4 ادام اۋرۋحانادا جاتىر. قازىر عانا مەن قالالىق اۋرۋحاناعا بارىپ ولاردىڭ حال- جاعدايىن سۇرادىم. ولاردىڭ ومىرىنە ەشقانداي قاۋىپ ءتونىپ تۇرعان جوق، قاجەتتى ءدارى- دارمەكتىڭ ءبارى جەتكىلىكتى. مەن 2 كۇننىڭ ىشىندە عيماراتتى قالپىنا كەلتىرىپ، دۇيسەنبىدەن باستاپ بارلىق قىزمەتكەرلەر ءوز جۇمىستارىنا كىرىسۋگە بولادى دەپ ويلايمىن، - دەدى ك. كوكىرەكبايەۆ.
بۇدان وزگە، وبلىس باسشىسىنىڭ تاپسىرماسىمەن ارنايى كوميسسيا قۇرىلىپ، كەشە شۇعىل جينالىس وتكىزىلدى. قازىر وڭىردەگى ءىرى ءوندىرىس ورىندارى مەن كاسىپكەرلەر قالپىنا كەلتىرۋگە جۇمىلدىرىلدى.
بۇگىن تاڭەرتەڭنەن باستاپ قالپىنا كەلتىرۋ جۇمىستارى باستالىپ، قۇرىلىسقا 200 ادام تارتىلدى.
3 ساعاتتىڭ ىشىندە قىزىل جالىندى ءسوندىرۋ ءۇشىن 350 ادام مەن 75 تەحنيكا جۇمىس ىستەدى.
سونداي- اق وبلىس اكىمىنىڭ باسپا ءسوز قىزمەتى مىنا جايتتى ەسكەرتەدى: كەشە كەيبىر ب ا ق ءورت وبلىس اكىمى اپپاراتىنىڭ عيماراتىندا تۇتاندى دەپ جالعان اقپارات تاراتتى. وسىعان قاتىستى ءورتتىڭ وبلىس اكىمى اپپاراتىنىڭ عيماراتىندا ەمەس، تاراز قالاسىنىڭ ورتالىعىندا ورنالاسقان اكىمشىلىك عيماراتتا ورىن العانى حابارلانادى.
