الماتى وبلىسىنىڭ پوليتسەيلەرى ءىز- ءتۇزسىز جوعالىپ كەتكەن بالالار ءۇيىنىڭ 2 تاربيەلەنۋشىسىن تاپتى
الماتى وبلىسىنىڭ ءى ءى د باسپا ءسوز قىزمەتىنەن حابارلاعانداي، قارتالى ا ءى ءى ب قىزمەتكەرلەرى جوعالعان بالالاردى ىزدەۋگە قاجەتتى بارلىق كۇشتى جۇمىلدىرادى. ەكى تاۋلىك ىشىندە پوليتسەيلەر ۇشتوبە قالاسىنان 35-40 شاقىرىم جەردە جاسوسپىرىمدەردى تاۋىپ الادى.
وبلىستىق پوليتسيادا اتاپ كورسەتكەندەي، جاسوسپىرىمدەر اعايىندى بولىپ كەلەدى، ال ىلە اۋدانىندا اتا-انالارى تۇرادى، ولار 2014 -جىلى اتا-انا قۇقىعىنان ايىرىلعان ەكەن. اناسىن ساعىنعان ەكى بالا بالالار ۇيىنەن قاشىپ كەتەدى دە، تەمىرجولدى بويلاپ الماتىعا قاراي كەتە بەرەدى. جول بويى بالالار ادامداردىڭ كوزىنە تۇسپەۋگە تىرىسادى، سونداي-اق بالالار ۇيىنەن الىپ شىققان ءسابىز بەن سۋدى تالعاجاۋ ەتىپ كەلگەن.
