قازاقستاندىق «رەكەتير-2» فيلمىنىڭ كورسەتىلىمى بۇگىن باستالادى

ونىڭ ەلدەگى كينوتەاترلارداعى العاشقى كورسەتىلىمى 28 - مامىردا باستالادى.

بۇل تۋرالى فيلمگە تۇسكەن اكتريسالاردىڭ ءبىرى ارۋجان جازىلبەكوۆا ءوزىنىڭ Instagram-داعى پاراقشاسىندا حابارلادى.

«تانىمال درامانىڭ جالعاسى 28 - مامىردان باستاپ بارلىق كينوتەاترلاردا كورسەتىلەدى»، - دەپ جازادى اكتريسا.

كينونىڭ ءتۇسىرىلىمى الماتى، استانا جانە قاراعاندى قالالارىندا ءوتتى. باستى كەيىپكەرلەردىڭ رولدەرىن سايات يسەمبايەۆ، اسەل ساعاتوۆا، جان بايجانبايەۆ، فارحاد ءابدىرايىموۆ، داستەن شاكىروۆ، ايان وتەپبەرگەن، ارۋجان جازىلبەكوۆا مەن ماكسيم اكباروۆ سومدادى.

ەسكە سالا كەتەيىك، «رەكەتيردىڭ» العاشقى فيلمى 2007 -جىلى جارىققا شىقتى. فيلم توقسانىنشى جىلدارى باندىلارعا قوسىلىپ كەتكەن جاس بوكسشى سايان بەككارىموۆ تۋرالى باياندايدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى