قازاقتىڭ تەننيسشى قىزى الەمدىك رەيتينگتە 2 ساتىعا جوعارىلادى

ول وسى اپتادا دۋبايداعى جارىستىڭ ءۇشىنشى كەزەڭىنە دەيىن جەتكەنى ءۇشىن رەيتينگىنە 105 ۇپاي قوسىلدى. قازىر دياستا 1495 ۇپاي بار. ول ەندى 23 - اقپاندا باستالاتىن Qatar Open جارىسىنا قاتىسادى.

العاشقى كەزەڭدە تۋنيستىك 20 جاستاعى ۋنس جابيرمەن (127) كەزدەسەدى. ونى جەڭسە، گەرمانيالىق اندرەا پەتكوۆيچپەن (10) وينايدى. دياس پەن پەتكوۆيچ وتكەن اپتادا دۋبايداعى جارىستىڭ ەكىنشى اينالىمىندا ويناپ، قازاق تەننيسشىسى ەكى سەتتە جەڭىسكە جەتكەن.

رەيتينگكە قايتا ورالساق، ياروسلاۆا شۆەدوۆا 53-ورىننان 52-ورىنعا جوعارىلاسا، يۋليا پۋتينتسيەۆا 110-ورىننان 112-ورىنعا سىرعىدى.

ەرلەر رەيتينگىندە ميحايل كۋكۋشكين 57 دەن 58-ورىنعا تومەندەگەن. ال اندرەي گولۋبەۆ - 81-ورىننان 108-ورىنعا، الەكساندر نەدوۆەسوۆ 116-ورىننان 131-ورىنعا ءبىر-اق ءتۇستى.

اندرەي گولۋبيەۆ 23 - اقپاندا باستالاتىن دۋبايداعى جارىسقا قاتىسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى