ن. نازاربايەۆ: قىسقى ۋنيۆەرسيادا مەن الماتى مەتروسىنىڭ 2- كەزەڭى قۇرىلىسىن قارجىلاندىرۋدى قىسقارتۋ قاجەت

بۇگىن اقوردادا وتكەن ق ر ۇكىمەتىنىڭ كەڭەيتىلگەن قۇرامداعى وتىرىسىندا ەلباسى نۇرسۇلتان نازاربايەۆ وسىلاي دەدى.

 «مەن الەۋمەتتىك قاجەتتىلىككە ارنالعان شىعىستاردى قىسقارتۋ تۋرالى ۇسىنىس بار ەكەندىگىن بىلەمىن. بۇل جاقسى ۇسىنىس، قاراپايىم ادامدارعا قاتىستى بولماعاندا ونى قولداۋعا دا بولار ەدى. ماسەلەن، ونى قاراپايىم ادامعا شىعىن كەلتىرمەستەن قايدان ىزدەۋگە بولادى؟ ماسەلەن، ءبىزدىڭ شىعىستار: بانكتەردى قولداۋ ءۇشىن 500 ميلليارد، قىسقى ۋنيۆەرسياداعا - 100 ميلليارد، مەترونىڭ ەكىنشى كەزەڭىنە - 227 ميلليارد تەڭگە. قيىن كەزەڭدە بىزدەرگە كەيبىرىن كۇتە تۇرۋ قاجەت. ودان كەيىن جالعاستىرامىز»، - دەدى ەلباسى.

وسى رەتتە ق ر پرەزيدەنتى قىسقى ۋنيۆەرسيادانىڭ ءبىر بولىگىن استانادا، ەكىنشىسىن الماتىدا وتكىزۋگە بولاتىنىن اتاپ ءوتتى. بۇعان قوسا ق ر پرەزيدەنتى اتالعان شارانىڭ يميدجدىك جوبا ەكەندىگىن ءارى سوڭىنا دەيىن اتقارۋ كەرەكتىگىن باسا ايتتى.

«ءبىراق ءدال وسى شارادا شىعىس كوپ، قارجىنى بىزدەرگە سول جاقتان قاراستىرۋ قاجەت. بۇل ۋاقىتشا»، - دەدى ن. نازاربايەۆ.

 سونداي- اق ەلباسى الماتى مەتروسىنىڭ 2- كەزەڭى قۇرىلىسىن توقتاتا تۇرۋ قاجەتتىگىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى