ا ن-2 اپاتىنان ءتىرى قالعان اسەم بۇگىن جانساقتاۋ بولىمىنەن شىعادى
شۋ قالاسىنان استاناعا جەتكىزىلگەلى اسەمنىڭ ومىرتقاسىنا، جىلىنشىك پەن جامباس سۇيەگى جانە سىنعان اياعىنا 5 كۇردەلى وپەراتسيا جاسالعان. زاماناۋي قۇرىلعىمەن سۇيەكتەرى ارنايى بۇرامامەن بەكىتىلىپتى. دارىگەرلەر گيپستىڭ ورنىنا اسەم شاياحمەتوۆانىڭ اياعىنا يليزاروۆ اپپاراتىن كيگىزگەن. بۇلشىق ەتتەرىنە ارتىق كۇش تۇسپەس ءۇشىن سىرقات ونىمەن جارتى جىل بويى جۇرەدى. الداعى اپتادان باستاپ، جانساقتاۋ بولىمىنەن پالاتاعا اۋىستىرىلاتىن اسەم شاياحمەتوۆا العاشقى قادامدارىن دا جاساي باستاماق.
ەسكە سالا كەتەيىك، وسىدان 10 كۇن بۇرىن «بالقاش ءتۇستى مەتتىڭ» باس گەولوگى ا ن-2 قۇلاپ قاق بولىنگەندە، ۇشاقتىڭ ارتقى بولىگىندە وتىرۋىنىڭ ارقاسىندا امان قالعان.
