ا ن-2 ۇشاعى اپاتىنان امان قالعان شاياحمەتوۆانىڭ جاعدايى تۇراقتى، بىراق اۋىر
«بۇگىن تاڭەرتەڭگى 5.35 ساعاتتا سانيتارلىق اۆياتسيا استاناعا جامبىل وبلىسىندا ا ن-2 ۇشاعى اپاتىنان زارداپ شەككەن 1986-جىلى تۋعان اسەم شاياحمەتوۆانى جەتكىزدى. تۇسكەن كەزدە جاعدايى اۋىر، ءبىرقالىپتى. العاشقى حيرۋرگيالىق وڭدەۋ جاسالدى. قازىرگى ۋاقىتتا كومپيۋتەرلىك توموگرافيا ارقىلى ميىنا جانە ومىرتقاسىنا تەكسەرۋ جۇرگىزىپ جاتىرمىز»، - دەدى ول.
ونىڭ سوزىنە قاراعاندا، شاياحمەتوۆاعا كەم دەگەندە ءۇش وتا جاسالادى. ول قازىر ەسىن بىلەدى، حيرۋرگتارمەن تىلدەسە الادى. اكە-شەشەسى وسىندا.
ەسكە سالساق، 20- قاڭتاردا جامبىل وبلىسى شۋ اۋدانىندا بالقاش-شاتىركول باعىتىنا بەت العان «وليمپ-ەير» كومپانياسىنىڭ ا ن-2 ۇشاعى اپاتقا ۇشىراعان.
اسەل شاياحمەتوۆا - «قازاقمىس» كورپوراتسياسىنىڭ «بالقاش ءتۇستى مەتالل» گەولوگى.
اپاتتان كەيىن ول دەرەۋ «112» تەلەفونى بويىنشا قۇتقارۋ قىزمەتىنە حابارلاسىپ ۇلگەرگەن. وقيعا ورنىنا كەلگەن جامبىل وبلىسى ت ج د جەدەل دەن قويۋ بريگاداسى اۋە اپاتىنان جالعىز امان قالعان جولاۋشىنى شۋ قالاسىنداعى ورتالىق اۋداندىق اۋرۋحاناعا جەتكىزگەن.
اۆتور: جاسۇلان جولدىبايەۆ
