جامبىل وبلىسىندا اپاتقا ۇشىراعان ا ن-2 ۇشاعىنىڭ بورتىندا بولعان جانداردىڭ ءبىرى ىزدەستىرىلۋدە
جامبىل وبلىسى ت ج دەپارتامەنتىنىڭ باسپا ءسوز قىزمەتىنەن قازاقپارات تىلشىسىنە حابارلاعانداي، 20- قاڭتار كۇنى ساعات 15.40 تا قىزىلوردا وبلىسىنىڭ ت ج د-نىڭ كەزەكشىسىنەن جامبىل وبلىسىنىڭ ت ج د-نىڭ «112» پۋلتىنە تولە ءبي اۋدانى ورتالىعىنان شىعىسقا قاراي 45 شاقىرىم قاشىقتىقتا، شۋ اۋدانىنا ۇشاقتىڭ قۇلاعانى تۋرالى سۋىت حابار كەلىپ تۇسكەن. ساعات 17.01 دە جامبىل وبلىسىنىڭ شاتىركول كەن ورنىنىڭ («بالقاش ءتۇستى مەت» ج ش س، وقيعا ورنىنان 20 شاقىرىم قاشىقتىقتا) قاۋىپسىزدىك قىزمەتىنىڭ قىزمەتكەرلەرى جەرگە قۇلاپ جاتقان اۋە كولىگىن تاپقان. ونىڭ ىشىنەن بەس ادامنىڭ دەنەسى تابىلعان. اپاتتان ءتىرى قالعان جولاۋشى ايەل اۋرۋحاناعا جەتكىزىلگەن.
«قازىرگى ساتتە وسى ۇشاقتا بولعان جەتىنشى ادامدى ىزدەستىرۋ جۇمىستارى جۇرگىزىلىپ جاتىر. ا ن-2 ۇشاعى بالقاش- شاتىركول باعىتى بويىنشا باعدار العان. قاراعاندى وبلىسىنىڭ بالقاش قالاسىنان ول ساعات 12.09 دا ۇشىپ شىققان. ال جامبىل وبلىسىنداعى شاتىركول ماڭىنا ساعات 14.40 تا قونۋى ءتيىس بولعان»، - دەيدى جامبىل وبلىسىنىڭ ت ج د- نىڭ وكىلى ساۋلە مۇڭاتايەۆا.
«شاتىركول» كەن ورنىنىڭ ديرەكتورىنىڭ ايتۋىنشا، ۇشاق بورتىندا بارلىعى جەتى ادام بولعان، ولاردىڭ ۇشەۋى - ەكيپاج مۇشەلەرى (2 ۇشقىش پەن بورت سەرىگى) جانە ءتورت جولاۋشى - «قازاق مىس» كورپوراتسياسى» ج ش س-نىڭ قىزمەتكەرلەرى.
ۇشاق قۇلاعان اۋدانعا «قازا ق مىس» كورپوراتسياسى» ج ش س «شاتىركول» كەن ورنى قاۋىپسىزدىك قىزمەتىنىڭ قىزمەتكەرلەرى، قاراعاندى جانە جامبىل وبلىستارى توتەنشە جاعدايلار دەپارتامەنتتەرىنىڭ قۇتقارۋ بولىمشەلەرى جانە جامبىل وبلىسى ىشكى ىستەر دەپارتامەنتىنىڭ جەدەل-تەرگەۋ توبى جىبەرىلگەن.
