الماتى وبلىسىندا 2 مىڭ توننا كوكونىس بەرەتىن جىلىجاي سالىندى
سونىمەن قاتار وسى شاعىن اۋداندا 750 باس ءىرى قاراعا ارنالعان زاماناۋي فەرما دا ءوز جۇمىسىن باستادى. مۇندا جىلىنا 5 مىڭ تونناعا جۋىق ءسۇت ءونىمى جانە 72 مىڭ توننا سيىر ەتىن ءوندىرۋ جوسپارلانىپ وتىر.
التى گەكتار اۋماقتى الىپ جاتقان جىلىجاي گوللانديالىق تەحنولوگيا ادىسىمەن سالىنعان.
اگرارلىق كەشەن ارقىلى 60 ادام جاڭا جۇمىسپەن قامتىلدى. جوبانىڭ جالپى قۇنى 980 ميلليون تەڭگەنى قۇرايدى. 200 ميلليون تەڭگە جەكە كاسىپكەردىڭ قارجىسى بولسا، قالعانى مەملەكەتتىك باعدارلامالار ارقىلى قارجىلاندىرىلعان، دەپ حابارلايدى kazakh-tv.kz.
شارۋا قوجالىعىنا «بيزنەستىڭ جول كارتاسى-2020» باعدارلاماسى شەڭبەرىندە مەملەكەتتىك قولداۋ كورسەتىلدى. سونىمەن قاتار شارۋاشىلىق «اگروبيزنەس-2020» باعدارلاماسى اياسىندا 131 ميلليون تەڭگەنى قايتارىپ الدى.
كوكونىس باعى الماتى قالاسى ماڭىنداعى ازىق-تۇلىك بەلدەۋىن دامىتۋ باعدارلاماسىنا دا ەنگىزىلگەن. ەندى دايىن ءونىم قالا تۇرعىندارىنا دەلدالسىز تىكەلەي جەتكىزىلەتىن بولادى.
