وقۋشىنىڭ بەتىنە تۇكىرىپ، بالاعاتتاعان مۇعالىم 2 جىلعا باس بوستاندىعىنان ايىرىلدى

اقپارات اگەنتتىگىنە سايرام اۋداندىق سوتى باسپا ءسوز قىزمەتىنىڭ حابارلاۋىنشا، سوتتالۋشى مۇعالىم گ. وسماناليەۆا وتكەن جىلدىڭ تامىز ايىندا كولكەنت اۋىلى، تۇركىستان كوشەسىنىڭ بويىندا 15 جاستاعى وقۋشى قىز ب. ماحمۋدحانوۆانى كەزدەستىرىپ، اۋىل تۇرعىندارىنىڭ جانە ونىڭ تۋعان اناسى ن. ماحمۋدحانوۆانىڭ كوزىنشە تىرناق استىنان كىر ىزدەپ، قولىنداعى تال شىبىقپەن ارقاسىنا ۇرىپ، ار-نامىسىنا تيگەن.

جانە دە وقۋ ماۋسىمى باستالعاندا جينالىسقا سالىپ، جۇرگىش قىز دەپ ايىپتاعان. ءتىپتى، ۇيىنە جىگىتتەر جىبەرىپ، زورلاتاتىنىن ايتىپ، بەتىنە شاپالاقپەن ۇرىپ، تۇكىرگەن.

"جابىرلەنۋشى ب. ماحمۋدحانوۆا ارادا 3 كۇن وتكەننەن كەيىن ءوز ءۇيىنىڭ اۋلاسىندا تۇرعان جازدىق دۋش كابيناسىنا اسىلىپ، وزىنە-ءوزى قول سالعان"، - دەيدى باسپا ءسوز قىزمەتى.

سايرام اۋداندىق سوتى سوتتالۋشى گ. وسماناليەۆانى قىلمىستىق كودەكستىڭ 102-بابىنىڭ 1-بولىمىمەن كىنالى دەپ تانىپ، 2 جىلعا باس بوستاندىعىنان ايىردى. سوتتالۋشى سوت زالىندا قاماۋعا الىندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى