قۇربىسىنىڭ جاڭا تۋعان ءسابيىن 2 مىڭ ا ق ش دوللارىنا ساتىپ جىبەرگەن
جاقىندا وبلىستىق پوليتسياعا جاڭا تۋعان بالاسىن جوعالتىپ العانىن ايتىپ كورشى ەلدىڭ ازاماتشاسى جۇگىنگەن.
27- شىلدەدە قاراساي اۋداندىق پەرزەنتحاناسىندا بوسانعان ول قۇربىسىنىڭ ايتۋىنا قاراي وزگە اتپەن تىركەلگەن. كەيىن پەرزەنتحانادان شىققان سوڭ قۇربىسى بالانى دارىگەرگە كورسەتەمىن دەپ الىپ كەتكەن. سودان كەلىنشەك بالاسىن كورمەگەنىن ايتادى.
جەدەل-ىزدەستىرۋ شارالارىنىڭ ارقاسىندا جاڭا تۋعان ۇل بالانى ساتىپ ءارى ساتىپ العان كۇدىكتىلەر قولعا ءتۇستى. سوڭعىسىنىڭ ۇيىنەن 1 ايلىق ۇل بالا تابىلدى.
كەيىن بەلگىلى بولعانداي جاس انا پەرزەنتحانادا بالانى ساتىپ العان كەلىنشەكتىڭ اتىمەن تىركەلگەن ەكەن.
اتالعان دەرەك تەكسەرىلۋدە. كۇدىكتىلەرگە قاتىستى ق ر ق ك 133- بابى بويىنشى قىلمىستىق ءىس قوزعالدى.
اۆتور: گۇلميرا ءعوسمانالي
