جاڭا زەلانديادا 2 ميلليون بۇعى ءۇيىرى بار
كونگرەسس ۇيىمداستىرۋشىلارى ەبولا ۆيرۋسى ءورشىپ تۇرعان افريكا وكىلىنىڭ فورۋمعا قاتىسۋىنان قاۋىپتەنبەي مە دەگەن جۋرناليستەردىڭ سۇراعىنا ن. توقتاروۆ نيگەريالىققا قازاقستانعا كەلۋ وڭايعا سوقپايتىنىن ايتتى. «وعان ۆيزا رەسىمدەۋ ءۇشىن ءبىزدىڭ و ا ر نەمەسە ب ءا ا-داعى قازاقستاندىق كونسۋلدىققا جۇگىنۋدى ۇسىندىق، بۇل قۇرلىقتا بۇدان باسقا ءبىزدىڭ ەلدىڭ كونسۋلدىق وكىلدىگى جوق، سوندىقتان بۇل وڭاي شارۋا ەمەس، - دەدى وبلىستىڭ بۇعى ءوسىرۋشىسى.
ول سونداي-اق نيگەريالىق بيزنەسمەندى ش ق و-دان افريكاعا بۇعى ەتىن جەتكىزۋ مۇمكىندىگى قىزىقتىرعانىن حابارلادى.
سونىمەن قاتار، نۇرلان توقتاروۆ دۇنيەجۇزىلىك بۇعى شارۋاشىلىعى فورۋمى قازاقستاندا العاش رەت وتەتىنىن ايتتى. وعان رەسەي، شۆەتسيا، قىتاي، تايۆان، كانادا مەن جاڭا زەلانديا عالىمدارى قاتىساتىنى راستالدى.
«جاڭا زەلانديادا 2 ميلليون بۇعى ءۇيىرى بار، بۇل سالا ولاردا جاقسى دامىعان، مول تاجىريبە مەن ءتيىمدى تەحنولوگياعا يە. ۇيرەنەتىنىمىز جەتەرلىك. بۇعى شارۋاشىلىعىنا ينۆەستيتسيا ءۇشىن ينۆەستورلار تارتۋ، وعان ساۋىقتىرۋ قىزمەتتەرىن كورسەتۋ، كومپونەنتتەر وندىرىسىنە قاتىستى ىنتىماقتاستىققا دايىنبىز، دەپ اتاپ ءوتتى ن. زەينەللا ۇلى.
شىعىس قازاقستاندىق بۇعى وسىرۋشىلەر ەلدە وتەتىن دۇنيەجۇزىلىك بۇعى كونگرەسى قازاقستاندىق بۇعى شارۋاشىلىعىنا قۋاتتى سەرپىن بەرەتىنىنە سەنىمدى.
