يزرايلدە ۇستالعان ايدار قاسىموۆتىڭ كولىگىنەن 2 تاپانشا تابىلعان
جەرگىلىكتى پوليتسيا باسپا ءسوز قىزمەتكەرى ميحايل زينگەرمان حابارلاعانداي، قازاقستان ازاماتى ايدار قاسىموۆتى حود حا- شارون وكرۋگى تەرگەۋشىلەرى تۇتقىندادى. ونىڭ كولىگىن تەكسەرگەن پوليتسەيلەر 2 تاپانشا، بەتپەردە، پىشاق، ۇرلانعان اسىل زاتتار مەن كوپ مولشەردەگى اقشانى تاپقان.
پوليتسيا تاراتقان اقپاراتقا سۇيەنسەك، ول ەگدە ادامنىڭ وتباسى مەن جاس قىزدى توناعان. دەرەك بويىنشا، ول حود حا- شارون قالاسىندا تاڭەرتەڭ قىزدىڭ ۇيىنە باسا كوكتەپ كىرىپ، ونى بايلاپ، قىلقىندىرىپ سەيفىن توناپ كەتكەن. ەكىنشىسىندە، 23- شىلدە كۇنى تەل-اۆيۆتە قاريانىڭ ۇيىنە تۇسكەن. قازاقستان ازاماتىنان تابىلعان زاتتاردى جاپا شەككەندەر تانىعان.
