ىشكى ىستەر مينيسترلىگىنىڭ 29 قىزمەتكەرىنە مەملەكەتتىك ناگرادا تاپسىرىلدى
وتان قورعاۋشى كۇنىن مەرەكەلەۋ قارساڭىندا ەل پرەزيدەنتىنىڭ جارلىقتارىمەن 29 پوليتسەي، ازاماتتىق قورعاۋ قىزمەتكەرلەرى مەن ۇلتتىق ۇلاننىڭ اسكەري قىزمەتشىلەرى مەملەكەتتىك ناگرادالارمەن ماراپاتتالدى، ال بەس باسشىعا جوعارى وفيتسەرلىك اتاق بەرىلدى. مەملەكەت باسشىسىنىڭ اتىنان ناگرادالاردى ىشكى ىستەر ءمينيسترى ەرلان تۇرعىمبايەۆ تابىس ەتتى.
«بۇل قۇقىقتىق ءتارتىپتى، ازاماتتاردىڭ قاۋىپسىزدىگى مەن تىنىشتىعىن قامتاماسىز ەتەتىن ىشكى ىستەر ورگاندارىنىڭ بارلىق جۇيەسىنىڭ جۇمىسىنا بەرىلگەن جوعارى باعا. سونىمەن بىرگە نەگىزگى فۋنكتسيالارمەن قاتار بىزگە توتەنشە جاعداي رەجيمىن قامتاماسىز ەتۋ بويىنشا ەرەكشە مىندەتتەر جۇكتەلدى. سىزدەر ولاردى لايىقتى ورىنداپ كەلەسىزدەر»، - دەدى ماراپات العان قىزمەتكەرلەرگە مينيستر.
ول كوپتەگەن قىزمەتكەرلەر قازىر ۇزاق ۋاقىت بويى ءوز وتباسىلارىن كورمەي، دالا جاعدايىندا ءومىر ءسۇرىپ جاتقانىن اتاپ ءوتتى.
«ءبىزدىڭ قىزمەتكەرلەر مەن اسكەري قىزمەتشىلەرىمىزدىڭ تاباندىلىعى، توزىمدىلىگىمەن قايسارلىعى تەك تۋعان- تۋىسقاندارىندا عانا ەمەس، ەلىمىزدىڭ تۇرعىندارىنىڭ دا ماقتانىش سەزىمىن تۋدىرادى. ءبىز قوعامنىڭ ءماجبۇرلى شەكتەۋلەرگە تۇسىنىستىكپەن قارايتىنىن جانە ءبىزدىڭ جۇمىسىمىزدى وڭباعالايتىنىن كورىپ وتىرمىز»، - دەپ اتاپ ءوتتى ەرلان تۇرعىمبايەۆ.
ىشكى ىستەر ورگاندارى مەن قۇتقارۋ قىزمەتتەرىنىڭ قىزمەتكەرلەرى وزدەرىنىڭ قىزمەتتىك جانە ازاماتتىق بورىشىن ورىنداي وتىرىپ، كوبىنەسە ومىرلەرىنە قاۋىپ تونگەنىنە قاراماستان، اپاتتان قۇتقارادى جانە ومىرلىك قيىن جاعدايلاردا كومەك كورسەتەدى. ماراپاتتالعانداردىڭ اراسىندا ادامداردى ورتتەن قۇتقارعان پوليتسيا قىزمەتكەرلەرى بار. ولار - پوليتسيانىڭ ۋچاسكەلىك ينسپەكتورلارى ەرلان جاڭابايەۆ، ازامات وتەگەنوۆ، ەربول امانبايەۆ. ۋچاسكەلىك يسپەكتورلار قۋاندىق سۇيىندىكوۆ پەن تيمۋر بالماعامبەتوۆ، انىقتاۋشى مارات نۇرىمبەتوۆ مۇز استىنا باتىپ بارا جاتقان بالالاردى قۇتقاردى. اعا ينسپەكتور ەركەبۇلان ساپانوۆ كوپىردەن سەكىرىپ كەتكەن قىزعا كومەك كورسەتتى. ماراپاتتالعان پوليتسيا ءبولىمى باسشىسىنىڭ ورىنباسارى قۋانىش شابدەنوۆ، ءورت ءسوندىرۋ بولىمشەسىنىڭ كومانديرى سەرگەي مازۋر، ءورت سوندىرۋشىلەر ازامات كوپبوسىنوۆ جانە ىدىرىس باقبەرگەن، پوليتسەي جۇرگىزۋشى ساعىندىق جاكەنوۆ ومىرلەرىنە قاۋىپ تونگەنىنە قاراماستان، ەرلىك جاسادى.
قازاقستان رەسپۋبليكاسى ۇلتتىق ۇلانى اسكەري ءبولىمىنىڭ وفيتسەرلەرى بولات قۇلىم مەن بولات رۇستەموۆ اسا قاۋىپتى قىلمىسكەرلەردى ۇستاۋ بويىنشا ارنايى وپەراتسيادا باتىل ارەكەت ەتتى. تەرگەۋشى شولپان مەدەنوۆا جۇكتى بولعانىنا قاراماستان، كوشەدە بايقالعان ىزدەۋدە جۇرگەن كۇدىكتىنى ۇستاپ، كريمينالدىق پوليتسيا قىزمەتكەرلەرىنە تاپسىردى. مەملەكەتتىك ناگرادالارمەن ءى ءى م- ءنىڭ ەرەكشە كوزگە تۇسكەن وزگە دە قىزمەتكەرلەرى ماراپاتتالدى.
«بۇل ماراپاتتار - ءسىزدىڭ كاسىبي ەڭبەگىڭىزدىڭ باعاسى عانا ەمەس. بۇل- جاۋاپكەرشىلىكتىڭ جاڭا دەڭگەيى. بىزگە ەل باسشىلىعىنىڭ جوعارى سەنىمىن اقتاۋ ءۇشىن بارلىق ءبىلىم مەن تاجىريبەمىزدى جۇمساۋىمىز كەرەك»، - دەپ قورتىندىلادى ىشكى ىستەر ءمينيسترى.
