ارمان شورايەۆ: قازاق كۇرەسى فەدەراتسياسى 29 ەلدە اشىلدى

«بىزدە وسىدان ەكى جارىم جىل بۇرىن حالىقارالىق قازاق كۇرەسى فەدەراتسياسى قۇرىلعان بولاتىن. ونى قانات بوزىمبايەۆ مىرزا باسقاراتىنىن بىلەسىزدەر. سول ەكى جىلدىڭ ىشىندە قازاق كۇرەسىنىڭ 29 مەملەكەتتە رەسمي تۇردە فەدەراتسياسى اشىلدى. رەسمي دەگەن ءسوز - ول فەدەراتسيالاردىڭ سول ەلدىڭ مينيسترلىكتەرىنە تىركەلگەنىن، جەرگىلىكتى وليمپيادا كوميتەتىنىڭ اككرەديتاتسياسىن العانىن بىلدىرەدى. ءبىزدىڭ ماقساتىمىز - كەم دەگەندە 65 مەملەكەتتە قازاق كۇرەسى فەدەراتسياسىنىڭ اشىلۋىنا قول جەتكىزۋ. ول دەگەنىڭىز - بولاشاقتا قازاق كۇرەسىن وليمپيادا ويىندارىنىڭ ساپىنا ەنگىزەمىز دەسەك، وسى 65 فەدەراتسيا - سول جولداعى العاشقى قادامداردىڭ ءبىرى بولماق» ، - دەيدى ول.

ارمان شورايەۆتىڭ ايتۋىنشا، 8 - ماۋسىمدا، ياعني «قازاقستان بارىسى» ءتۋرنيرى ءوتىپ جاتقان كۇنى پولشادا قازاق كۇرەسىنەن ەۋروپا چەمپيوناتى وتەدى.

«فەدەراتسياسى بار 29 ەلدىڭ جارتىسىنان كوبى - ەۋروپا ەلدەرى. فرانسيا، گەرمانيا، پولشا مەن يتاليادا بار دەگەن سياقتى.. . ولاردىڭ ءبارى دە ەۋروپا چەمپيوناتىنا قاتىسادى. سوندىقتان، ول جاعىنان جۇرگىزىلىپ جاتقان جۇمىستىڭ قارقىنى جامان ەمەس. بىلتىر «قازاقستان بارىسى» اتانعان پالۋانىمىز ەرجان شانكەيەۆ بيىلعى تۋرنيرگە ەشقانداي ىرىكتەۋسىز قاتىسادى. ايبەك نۇعىماروۆ تا شىعىس قازاقستان وبلىسىنان ىرىكتەۋدەن ءوتتى. جوبامىز الەۋمەتتىك ليفتىگە اينالسا ەكەن دەپ جۇمىستى قولعا الدىق. قۇدايعا شۇكىر، ويىمىز جۇزەگە استى. بالۋانىمىز ايبەك نۇعىمانوۆ سەمەي قالاسىنداعى ەڭ ۇلكەن كوللەدجدىڭ ديرەكتورى بولىپ تاعايىندالدى. بەيبىت ىستىبايەۆ باۋىرىمىزدا ءدال سولاي. ول ءوزىنىڭ تۋعان جەرى جامبىل وبلىسىندا باسشىلىق قىزمەتتە. وسى جىگىتتەر جۇلدىزعا اينالىپ، تانىمالدىلىققا يە بولدى. قۇدايعا شۇكىر ماقساتىمىزعا جەتتىك» ، - دەدى ارمان شورايەۆ.

ونىڭ ايتۋىنا قاراعاندا، 9 جىلدىڭ ىشىندە ۇلتتىق كۇرەسپەن اينالىساتىن بالۋانداردىڭ سانى 4 ەسەگە كوبەيىپ، 130 مىڭنان اسقان.

ەسكە سالا كەتسەك، «قازاقستان بارىسى» تۋرنير بيىل 8 - ماۋسىمدا «بارىس- ارەنادا» وتكىزىلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى