قازاقستاندا 29 مىڭ ادام تۇرمەدە جازاسىن وتەپ جاتىر
«سوڭعى 25 جىلدىڭ ىشىندە سوتتالعانداردىڭ سانى جاعىنان ءۇشىنشى ورىندا تۇرعان قازاقستان 72- ورىنعا كوتەرىلدى. بۇل دەگەنىڭىز - تۇرمەدەگى ازاماتتاردىڭ سانىن ءۇش جارىم ەسەگە ازايتتىق دەگەن ءسوز. بۇل ناتيجەلى جۇمىس ەلباسىنىڭ ساياساتى مەن ەل باسشىلىعىنىڭ ساليقالى ساياساتىنىڭ ارقاسىندا ىسكە اسىرىلعانىن اتاپ ءوتۋ كەرەك. بۇرىن سوتقا تارتىلعانداردىڭ 80-90 پايىزىنا دەيىن باس بوستاندىعىنان ايىرىلاتىن. ال قازىر تەك 40 پايىزى عانا تۇرمەگە قامالۋدا. ءبىز حالىقارالىق ستاندارتقا جەتۋىمىز كەرەك. ول ستاندارت بويىنشا سوتقا تارتىلعانداردىڭ 10 پايىزى عانا تۇرمەدە جازاسىن وتەۋى كەرەك. بۇل كورسەتكىشكە اقىرىنداپ جاقىنداپ كەلەمىز»، - دەدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ ءىىم- دە وتكەن وتىرىستا.
اليك شپەكبايەۆ شيرەك عاسىر بۇرىن تۇرمەدە جازاسىن وتەپ جاتقان ادامنىڭ سانى 96 مىڭ بولعانىن اتاپ ءوتتى. قازىرگى ۋاقىتتا 29 مىڭ ادام تۇرمەدە وتىر.
«بۇل كورسەتكىش ازايىپ كەلەدى. مىنە، رەفورما دەگەن ءسوز. وسى بىرلەسكەن جۇمىستىڭ ناتيجەسىن كورىپ وتىرمىز»، - دەپ تۇيىندەدىدى ول.
ايتا كەتسەك، بۇگىن ەلوردادا ءى ءى م مەن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى باسشىلىعى ازاماتتىق قوعام جانە ب ا ق وكىلدەرىمەن كەزدەسۋ وتكىزدى. كەزدەسۋدە ىشكى ىستەر مينيسترلىگىنىڭ جول كارتاسى نەگىزىندە قوعامداستىق جانە ۆەدومستۆولار ازىرلەگەن ىشكى ىستەر ورگاندارىنداعى جەمقورلىقپەن كۇرەستىڭ ءۇشجاقتى جوسپارى تانىستىرىلدى.
«رەفورما باعدارلاماسىن ازىرلەۋدە بەلسەندى تۇردە اتسالىسىپ جۇرگەن ازاماتتارعا ەرەكشە العىسىمدى ايتقىم كەلەدى. ءىىم سىزدەرمەن ءاردايىم بىرلەسە ەڭبەك ەتۋگە دايىن. ءى ءى م تەك سىننىڭ استىندا قالاتىن ورگان ەمەس، سەنىمگە يە بولعانىن قالايمىز»، - دەدى ىشكى ىستەر ءمينيسترى ەرلان تۇرعىمبايەۆ.
اۆتور: ايان بەكەن ۇلى
