ق ر ۇلتتىق قاۋىپسىزدىك كوميتەتى وتكەن جىلى 295 ميلليارد تەڭگەدەن استام زالالدىڭ جولىن كەستى
بۇل جايىندا «كازاحستانسكايا پراۆدا» گازەتىنە بەرگەن سۇحباتىندا ق ر ۇ ق ك ءتوراعاسى نۇرتاي ابىقايەۆ ءمالىم ەتكەن.
«تەك وتكەن جىلدىڭ ىشىندە عانا مەملەكەتتىك ورگانداردىڭ ءىس- قيمىلى ناتيجەسىندە 295 ميلليارد تەڭگەدەن استام سوماعا ەكونوميكالىق زالالدىڭ جولى كەسىلدى. ال ءبىز قابىلداعان شارالار ەل قازىناسىنا 11 ميلليارد تەڭگەدەن استام قارجىنىڭ وتەلۋىنە سەپتىگىن تيگىزدى»، - دەدى ن. ابىقايەۆ.
ونىڭ اتاپ وتۋىنشە، بۇگىنگى تاڭدا ەكونوميكالىق قاۋىپسىزدىكتى قامتاماسىز ەتۋ سالاسىنداعى مەملەكەتتىك ارەكەت ەتۋدىڭ بارلىق وزىندىك شارالارى تولىعىمەن قولدانىلۋدا. بۇل ۇلتتىق مۇددەنى قورعاۋدى قامتاماسىز ەتەدى.
«دەگەنمەن، بۇل ماڭىزدى ءارى قاجەتتى پروتسەسس قىزمەتتىڭ بارلىق تۇرلەرى سياقتى تۇراقتى جەتىلدىرىپ وتىرۋدى تالاپ ەتەدى جانە ۇلتتىق قاۋىپسىزدىك ورگانى ءوزىنىڭ قۇزىرەتى مەن جۇمىس ەرەكشەلىگى اياسىندا وتاندىق ەكونوميكانىڭ ستراتەگيالىق ءمانى بار سالالارىنىڭ تۇراقتى جۇمىس ىستەۋ جانە ءتيىمدى دامۋ يگىلىگى ءۇشىن جەتكىلىكتى شارالار قابىلدايدى»، - دەدى ۇ ق ك ءتوراعاسى.
اۆتور: مارلان جيەمباي
