يراكتاعى بىتىمگەرشىلىك ميسسياعا 290 قازاقستاندىق قاتىستى
مينيسترلىكتىڭ مالىمەتىنشە قازاقستان رەسپۋبليكاسىنىڭ قارۋلى كۇشتەرىنىڭ ينجەنەرلىك جاساقتارىندا 2003 -جىلدىڭ 19 - تامىزىنان باستاپ، «يراك بوستاندىعى» وپەراتسياسى شەڭبەرىندە قولباسشىلىق تاپسىرمالارىن ورىنداپ، ساپەر جاۋىنگەرلەر ابىرويىن بيىك ۇستاعان بىتىمگەرشى جاۋىنگەرلەر قىزمەت اتقارىپ ءجۇر.
«ءبىز يراكقا 2003 - جىلدىڭ 19 - تامىزىندا باردىق. قازاقستان جاساعىنىڭ قىزمەتتەرى جەرگىلىكتى تۇرعىنداردىڭ قاۋىپسىزدىگىن مينالار مەن جارىلعىش زاتتاردان ساقتاۋ، اۋىزسۋدى تازارتۋعا كومەكتەسۋ جانە مەديتسينالىق كومەك كورسەتۋ بولدى»، - دەيدى ينجەنەرلىك- ساپەرلىك باتالونىنىڭ كومانديرى مۇقانوۆ.
2003 - جىلدىڭ 22 - مامىرىندا ب ۇ ۇ قاۋىپسىزدىك كەڭەسى يراك حالقىنا ەلدى قالپىنا كەلتىرۋگە كومەكتەسۋگە شاقىرعان رەزوليۋتسيا قابىلداعان بولاتىن. سوعان بايلانىستى جانە بەيبىتشىلىك پەن قاۋىپسىزدىكتى قولداۋ جونىندەگى حالىقارالىق مىندەتتەمەلەرىنە سايكەس، قازاقستان ەل پارلامەنتىنىڭ قاۋلىسىمەن يراكتاعى تۇراقتاندىرۋ كۇشتەرىنىڭ قۇرامىندا بىتىمگەرشىلىك قىزمەتكە قاتىسۋ ءۇشىن «قازبات» بىتىمگەرشىلىك باتالونىنىڭ ينجەنەرلىك- ساپەرلىك بولىمشەسىن اتتاندىردى.
ميسسيانىڭ باسىنان بەرى ق ر قارۋلى كۇشتەرىنىڭ وكىلدەرى 4 ميلليوننان استام جارىلعىش زاتتى جويدى، 6718 تەكشە مەتر اۋىزسۋدى تازارتتى. قازاقستان قارۋلى كۇشتەرىنىڭ نۇسقاۋشىلارى 2005 - جىلدان باستاپ، تاجىريبە الماسۋ شەڭبەرىندە يراك اسكەري اكادەمياسىنىڭ 572 كۋرسانتىن ساپەر ءىسى ماماندىعىنا وقىتتى.
بۇعان قوسا، قازاقستاننىڭ اسكەري دارىگەرلەرى امەريكانىڭ «دەلتا» بازاسىنىڭ مەديتسينا توبىنا جۇمىلدىرىلىپ تۇردى، وندا جەرگىلىكتى حالىق پەن كواليتسيانىڭ لاڭكەستىك ارەكەتتەردەن زارداپ شەككەن 5000 نان استام وكىلىنە مەديتسينالىق كومەك كورسەتىلدى.
ايتا كەتەيىك، قازاقستان كەلەشەكتە دە الەمدەگى اسكەري جانجالدار ايماعىنا ءوز بىتىمگەرشىلەرىن جىبەرە الاتىن بولدى. ەلىمىزدە بىتىمگەرشىلىك قىزمەت تۋرالى زاڭ جوباسى ازىرلەنىپ جاتىر.
