قازاقستاندىق 29 جاستاعى ايەلدى ولتىرگەن امەريكالىق 42 جىلعا سوتتالدى
القابيلەر سوتى 21 جاستاعى ەنتوني پراتتى ءوزىنىڭ اشىناسى - 29 جاستاعى فيسەنكونىڭ ولىمىنە ايىپتى دەپ تانىدى. جىگىتكە 42 جىلعا باس بوستاندىعىنان ايىرۋعا ۇكىم شىعارىلدى. ءىس ماتەريالدارىنا قاراعاندا، 2012-جىلدىڭ قاراشا ايىندا پراتت فيسەنكونى ءوز دوستارىنىڭ پورتلەندتەگى پاتەرىندە تاپانشامەن اتىپ ولتىرگەن. ءمايىتتى قىزدىڭ اۆتوتۇراقتا تۇرعان جول تالعامايتىن كولىگىنە جاسىرعان. مارگاريتانىڭ دەنەسىن بىرنەشە ايدان سوڭ - 2013-جىلدىڭ قاڭتارىندا ونىڭ كۇيەۋى كەري سكوتت تاۋىپ الادى.
ءىس بويىنشا سوتتالۋشىنىڭ دوستارى - كريستوفەر دجەننينگس پەن ونىڭ ايەلى دە سوتتا جاۋاپ بەردى.
قازاقستان ازاماتشاسىن وققا ۇشىرعان تاپانشادان ولاردىڭ د ن ك-سى انىقتالدى. بۇعان قوسا، ساراپتاما «مارقۇممەن جىنىستىق قاتىناستا بولعان سوڭعى ادام كريستوفەر ەكەنىن» كورسەتتى. تەرگەۋشىلەردىڭ مالىمەتىنشە، پراتت پەن ونىڭ دوستارى ەسىرتكى ساۋداسىمەن اينالىسقان، فيسەنكو ولاردىڭ كليەنتى بولعان. سوتتا مارقۇمنىڭ اكەسى ەنتوني پراتت ءۇشىن ءومىر بويعى جازا بەرۋدى سۇرادى. فيسەنكونىڭ تۋىستارى قىزدىڭ ا ق ش-قا قازاقستاننان 1997-جىلى كوشىپ بارعانىن ايتتى. سوتتالۋشىنىڭ ادۆوكاتى اپەللياتسياعا شاعىم تۇسىرگەلى وتىر.
