باتىس قازاقستاندا مەملەكەتتىك شەكارانى زاڭسىز كەسىپ وتپەك بولعان 28 شەتەلدىك ۇستالدى
ق ر ۇ ق ك شەكارا قىزمەتى بقو بويىنشا دەپارتامەنتى تاربيە يدەولوگيالىق جۇمىستارى باسقارماسى باستىعىنىڭ مىندەتىن اتقارۋشى، پودپولكوۆنيك دارحان دارمەنبەكوۆ وڭىرلىك كوممۋنيكاتسيالار قىزمەتى الاڭىندا وتكەن بريفينگتە ءمالىم ەتكەندەي، سونىڭ ىشىندە ۇشەۋى ازەربايجان، سەگىزى وزبەكستان، جەتەۋى پاكىستان، بىرەۋى رەسەي، ەكەۋى تاجىكستان، ەكەۋى سومالي ەلىنىڭ ازاماتتارى بولىپ شىقتى. ولاردىڭ بارلىعى سوت شەشىمدەرىمەن جاۋاپكەرشىلىككە تارتىلدى.
دارحان سەمبەك ۇلىنىڭ سوزىنە قاراعاندا، بيىل وعان قوسا ۇ ق ك جانە پوليتسيا دەپارتامەنتتەرىمەن بىرلەسكەن ءىس- قيمىل ناتيجەسىندە زاڭسىز كوشى- قون باعىتى بويىنشا 4 كانال انىقتالدى. بۇلاردى رەسەي جانە قازاقستان ازاماتتارى ۇيىمداستىرىپ، باسقارعان.
بۇل شەكارادا زاڭسىز كوشى- قونعا بايلانىستى وزەكتى ماسەلەلەر بار ەكەندىگىن كورسەتەدى. بىرىنشىدەن، مەملەكەتتىك شەكارانى بۇزۋ ويىمەن جۇرگەن ازاماتتارعا قوسا، شەكارالىق ايماقتا تۇراتىن كەيبىر تۇرعىنداردىڭ جەڭىل تابىسقا قىزىعىپ، ولارعا كومەكتەسۋى الاڭداتپاي قويمايدى. وكىنىشكە قاراي، شەكارا ايماعىنداعى جەرگىلىكتى تۇرعىندارمەن الدىن الۋ، ەسكەرتۋ ءىس- شارالارى جۇرگىزىلگەنىنە قاراماستان، زاڭسىز كوشى- قونعا قاتىستى ارەكەتكە بارعىسى كەلگەن ادامدار جوق ەمەس.
د. دارمەنبەكوۆتىڭ ايتۋىنشا، مەملەكەتتىك شەكارانى بۇزۋشىلاردىڭ سىبايلاستارىن ەكى ساناتقا بولۋگە بولادى. ءبىرىنشىسى - شەكارا ماڭىندا تۇراتىن جەرگىلىكتى تۇرعىندار. نەگىزىنەن جەكە تاسىمالداۋمەن اينالىساتىن تاكسيستەر سىياقىعا شەتەلدىكتەردى مەملەكەتتىك شەكارادان زاڭسىز وتكىزۋگە تىرىسادى. بۇل ءۇشىن الدىن الا دايىندالىپ، جوسپار قۇرادى. كەيدە ۋاقىت تىعىز بولسا، ازىرلىكسىز جولعا شىعادى.
ەكىنشى ساناتتاعىلار - ۇيىمداستىرۋشىلار. بىلايشا ايتقاندا، ەلىمىزدە، سونداي- اق وزبەكستان مەن رەسەيدە تۇراقتى بايلانىسى بار قازاقستان جانە شەتەل ازاماتتارى. بۇلار وزبەكستاننان رەسەيگە وتكىسى كەلەتىندەردى قازاقستان ارقىلى ءارى اسىرادى. قازاقستاندا بولعان كەزىندە مۇنداي ميگرانتتار تۇرعىن ۇيمەن، نەگىزىنەن جالدامالى پاتەرمەن قامتاماسىز ەتىلەدى. جەدەل ورگانداردىڭ جۇمىسىنان حابارى بار ۇيىمداستىرۋشىلار ءوز قاۋىپسىزدىگىن ويلاپ، ارەكەتتەرىن بۇركەمەلەيدى. ولار نەگىزىنەن شەكارادان الىستا وتىرىپ ۇيىمداستىرادى، سودان كەيىن شەتەلدىكتەردىڭ شەكارادان زاڭسىز ءوتۋى ءۇشىن سول ماڭدا تۇراتىن تۇرعىنداردىڭ كومەگىنە جۇگىنەدى.
بۇل ەكى ساناتتاعى ازاماتتاردىڭ باستى ويى - جەڭىل جولمەن بايۋ. شىن مانىسىندە مۇنىڭ قىلمىستىق قادام ەكەندىگىن ەسكەرە بەرمەيدى. اتاپ ايتقاندا، ق ر ق ك 394-بابىنا (زاڭسىز كوشى- قوندى ۇيىمداستىرۋ) سايكەس مىناداي جاۋاپكەرشىلىك قاراستىرىلعان:
1. كولىك قۇرالدارىن، قولدان جاسالعان قۇجاتتار، تۇرعىن نەمەسە وزگە دە ءۇي- جايدى بەرۋ، سونداي- اق ازاماتتارعا، شەتەلدىكتەرگە جانە ازاماتتىعى جوق ادامدارعا قازاقستان رەسپۋبليكاسىنىڭ اۋماعى بويىنشا زاڭسىز كەلۋ، كەتۋ، ورىن اۋىستىرۋ ءۇشىن وزگە دە قىزمەتتەر كورسەتۋ ارقىلى زاڭسىز كوشى- قوندى ۇيىمداستىرۋ مۇلكى تاركىلەنىپ نەمەسە ونسىز، ەكى مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە التى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
2. ادام ءوزىنىڭ قىزمەتتىك وكىلەتتىكتەرىن پايدالانىپ نەمەسە ادامدار توبى الدىن الا ءسوز بايلاسىپ جاساعان ءدال سول ءىس- ارەكەت مۇلكى تاركىلەنىپ نەمەسە ونسىز، بەلگىلى بىر لاۋازىمداردى اتقارۋ نەمەسە بەلگىلى بىر قىزمەتپەن اينالىسۋ قۇقىعىنان ءۇش جىلعا دەيىنگى مەرزىمگە ايىرا وتىرىپ نەمەسە ونسىز، بەس مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە ءبىر مىڭ ەكى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە بەس جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
3. وسى باپتىڭ ءبىرىنشى بولىگىندە كوزدەلگەن، قىلمىستىق توپ جاساعان ءىس- ارەكەت مۇلكى تاركىلەنىپ نەمەسە ونسىز، ءۇش جىلدان جەتى جىلعا دەيىنگى مەرزىمگە باس بوستاندىعىنان ايىرۋعا جازالانادى.
«تالداۋ كورسەتكەنىندەي، مەملەكەتتىك شەكارانى بۇزۋشىلاردىڭ 80 پايىزى جەرگىلىكتى تۇرعىنداردىڭ اقپاراتى نەگىزىندە ۇستالادى. بۇل - وتە جاقسى كورسەتكىش، ول شەكارا ايماعىندا ورنالاسقان ەلدى مەكەندەر تۇرعىندارىنىڭ قىراعىلىعى مەن جاۋاپكەرشىلىگى جوعارى ەكەندىگىن كورسەتەدى. ال، مەملەكەتتىك شەكارادان زاڭسىز وتكىسى كەلگەندەرگە جاردەم بەرۋ - ۇلتتىق قاۋىپسىزدىككە قاۋىپ ءتوندىرۋ دەگەن ءسوز. سوندىقتان، بارلىق تۇرعىنداردى شەكارانى بىرلەسىپ قورعاۋعا شاقىرامىز. ەگەر شەكارادان زاڭسىز وتۋگە ازىرلىكتىڭ كۋاسى بولساڭىز، مىنا تەلەفون نومىرلەرىنە حابارلاسۋعا بولادى: 87112989307، 87112989389، 87112989388، 87112989361» ، - دەدى د. دارمەنبەكوۆ.
