28-جەلتوقسان. قازگيدرومەتتىڭ كۇن رايىنا جاساعان بولجامى
قازاقستاننىڭ باسىم بولىگىندە سولتۇستىك- باتىس سيكلون جىراسىنىڭ وتۋىمەن قار جاۋىپ، جاياۋ بۇرقاسىن بولادى. تەك قازاقستاننىڭ وڭتۇستىگىندە، وڭتۇستىك- شىعىسىندا جانە ورتالىعىندا جاۋىن- شاشىنسىز اۋا رايى كۇتىلەدى.
رەسپۋبليكانىڭ كەي جەرلەرىندە تۇمان، ەلىمىزدىڭ وڭتۇستىك- شىعىسىندا، سولتۇستىگىندە، باتىسىندا كوكتايعاق كۇتىلەدى. قوستاناي وبلىسىندا جەل 15-20 م/س كۇشەيەدى، وبلىستىڭ ورتالىعىندا، وڭتۇستىگىندە جاياۋ بۇرقاسىنمەن سوعادى، وبلىستىڭ سولتۇستىگىندە تۇمان بولادى.
سولتۇستىك قازاقستان وبلىسىنىڭ سولتۇستىگىندە، وڭتۇستىگىندە، شىعىسىندا 15-20 م/س جەل جاياۋ بۇرقاسىنمەن بولادى، كوكتايعاق، وبلىستىڭ وڭتۇستىك- باتىسىندا تۇمان بولادى.
الماتى وبلىسىنىڭ سولتۇستىگىندە، شىعىسىندا، وڭتۇستىگىندە تۇمان، كوكتايعاق، الاكول كولدەرى اۋدانىندا جەلدىڭ جىلدامدىعى 18-23 م/س جەتەدى.
اقمولا وبلىسىندا جاياۋ بۇرقاسىن سوعادى، سولتۇستىك - باتىسىندا، وڭتۇستىك- شىعىسىندا جەلدىڭ جىلدامدىعى 15-20, ەكپىنى 23 م/س جەتەدى.
پاۆلودار وبلىسىنىڭ باتىسىندا، سولتۇستىگىندە جاياۋ بۇرقاسىن كۇتىلەدى، وبلىستىڭ باتىسىندا جەل 18 م/س كۇشەيەدى.
قاراعاندى وبلىسىنىڭ شىعىسىندا، ورتالىعىندا، شىعىس قازاقستان وبلىسىنىڭ سولتۇستىگىندە، وڭتۇستىگىندە، قىزىلوردا وبلىسىنىڭ وڭتۇستىگىندە، ماڭعىستاۋ وبلىسىنىڭ ورتالىعىندا، اقتوبە وبلىسىنىڭ سولتۇستىك- باتىسىندا، سولتۇستىگىندە، باتىس قازاقستان وبلىسىنىڭ سولتۇستىگىندە، تۇركىستان وبلىسىنىڭ تاۋلى اۋماعى مەن تاۋ بوكتەرىندە، جامبىل وبلىسىنىڭ سولتۇستىگى مەن تاۋلى، تاۋ بوكتەرىندە تۇمان كۇتىلەدى. اتىراۋ وبلىسىنىڭ باتىسىندا، وڭتۇستىگىندە، شىعىسىندا تۇمان، كوكتايعاق كۇتىلەدى.
