قازگيدرومەت: 28-ءساۋىر كۇنگى اۋا رايى بولجامى

كاسىپورىن تاراتقان دەرەكتەرگە قاراعاندا، ەلىمىزدىڭ ءبىرقاتار وڭىرىندە بۇگىن جاۋىن جاۋادى، جەكەلەگەن اۋدانداردا ول مول كولەمدە جاۋۋى ىقتيمال. ءتىپتى نايزاعاي ويناپ، كۇشتى جەل تۇرۋى، بۇرشاق جاۋۋى دا مۇمكىن.

رەسپۋبليكانىڭ ءبىرقاتار بولىگىنە تۇمان تۇسەدى. تۇركىستان وبلىسىندا كۇشتى جەل تۇرىپ، جىلدامدىعى سەكۋندىنا 15-20 مەترگە، ەكپىنى 23-28 مەترگە جەتەدى.

جامبىل وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن ۇيتقيدى. كۇندىز جەلدىڭ ەكپىنى سەكۋندىنا 23-28 مەترگە جەتۋى ىقتيمال، كەي جەرلەرگە بۇرشاق جاۋادى.

قىزىلوردا وبلىسىندا جەل كۇشەيىپ، جىلدامدىعى سەكۋندىنا 15-20 مەترگە جەتەدى، كۇندىز 15-20 مەتر بولادى. كەي جەرلەردە ەكپىنى 23-28 مەترگە دەيىن بارادى. جەل ارتىنان بۇرشاق جاۋۋى مۇمكىن.

كۇندىز اتىراۋ، اقتوبە، پاۆلودار، شىعىس قازاقستان وبلىستارىنىڭ كەي جەرلەرىندە جەل تۇرىپ، جىلدامدىعى سەكۋندىنا 15-20 مەترگە جەتەدى. قاراعاندى وبلىسىندا كۇشتى جەل تۇرادى، جىلدامدىعى سەكۋندىنا 15-20 مەتر بولادى.

سولتۇستىك قازاقستان، قوستاناي، باتىس قازاقستان، وبلىستارىندا تۇمان ءتۇسىپ، كۇندىز جەلدىڭ جىلدامدىعى سەكۋندىنا 15-20 مەترگە جەتەدى.

اقمولا وبلىسىنا تۇمان ءتۇسىپ، بۇرشاق جاۋىپ، جەل سەكۋندىنا 15-20 مەتر جىلدامدىقپەن ۇيتقيدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى