قازاقستاندا 28 -جەلتوقسان كۇنى وتەتىن ماڭىزدى شارالارعا شولۋ

استانا

ساعات 10.15-تە سەناتتا كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى وتەدى. ساعات 11.00-دە ەكسپو اۋماعىنداعى B 2.2.پاۆيلونىندا ورنالاسقان «Elektrondyq qyzmet ortalyǵy»- ندا «تىلەكتەر شىرشاسى» اكسياسى باستالادى.

ساعات 12.00-دە «استانا» كونسەرت زالىندا بالالارعا ارنالعان جاڭا جىلدىق «قار پاتشايىمى» ەرتەگىسىن تارتۋ ەتىلەدى. سيمفونيالىق وركەستردىڭ كوركەمدىك جەتەكشىسى - بەرىك باتىرحان، باس ديريجەرى - ەرنار نۇرتازين.

ساعات 15.00-دە «ۇكىمەت ۇيىندە» ق ر مادەنيەت جانە سپورت ءمينيسترى ارىستانبەك مۇحامەدي ۇلىنىڭ قاتىسۋىمەن «پرەزيدەنت جولداۋى اياسىندا تۋريزم مەن سپورتتى دامىتۋ» تۋرالى باسپا ءسوز كونفەرەنتسياسى وتەدى.

ساعات 16.20-دا ورتالىق كوممۋنيكاتسيالار قىزمەتىندە تۇرعىن ءۇي قۇرىلىسىن كەپىلدەندىرۋ جۇمىسىنىڭ 2018 -جىلعى قورىتىندىلارىنا ارنالعان باسپا ءسوز كونفەرەنسياسى وتەدى.

ساعات 17.00-دە Astana Hub ءۇشىنشى ۇدەتكىش باعدارلاماسىنىڭ ناتيجەلەرىن قورىتىندىلايدى.

الماتى

ساعات 10.00-دە ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كىتاپحاناسىندا قازاقستان رەسپۋبليكاسى پرەزيدەنتى ن. نازاربايەۆتىڭ «ۇلى دالانىڭ جەتى قىرى» ماقالاسىن تالقىلاۋعا ارنالعان «قازىرگى زامان جانە تاريحي وتكەندى الەۋمەتتانۋ» تاقىرىبىندا قازاقستان الەۋمەتتانۋشىلارى قاۋىمداستىعى پرەزيديۋمىنىڭ كەڭەيتىلگەن وتىرىسى وتەدى.

ساعات 14:00-دە ق ر ۇلتتىق كىتاپحاناسىندا قازاقستانداعى اعىلشىن تىلىندەگى «WonderFest!» اتتى وقۋشىلار فەستيۆالى وتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى