قازاقستاندا 28 -قاراشا كۇنى وتەتىن ماڭىزدى شارالارعا شولۋ

استانا

9.30-دا رەديسسون قوناق ۇيىندە ماي سالاسىنا ارنالعان «KazOil 2018» حالىقارالىق كونفەرەنتسياسى باستالادى.

10.00-دە تاۋەلسىزدىك سارايىندا مەملەكەت باسشىسىنىڭ قاتىسۋىمەن VIII ازاماتتىق فورۋمنىڭ پلەنارلىق وتىرىسى وتەدى.

10.00-دە «كورمە» ورتالىعىندا ينۆەستيتسيالار جانە دامۋ مينيسترلىگىنىڭ رەسمي قولداۋىمەن «قازاۆتوجول- Kaztraffic-2018» حالىقارالىق كورمەسى وتكىزىلەدى.

10.00-دە ساياسي قۋعىن- سۇرگىن مەن توتاليتاريزم قۇرباندارىنا ارنالعان «الجير» مۋزەي- مەموريالدىق كەشەنىنە باسپا ءسوز تۋرى ۇيىمداستىرىلادى.

10.00-دە ەكسپو اۋماعىنداعى كونگرەسس ورتالىقتا «شاحمات - مەنىڭ قالاۋىم» رەسپۋبليكالىق بليتس- ءتۋرنيرى جانە ءبىر مەزگىلدى شاحمات سەانسى وتەدى.

14.00-دە ق ر پارلامەنتى ءماجىلىسىنىڭ جالپى وتىرىسى باستالادى.

15.00-دە ق ر ۇلتتىق مۋزەيىندە بەلگىلى ايتىسكەر اقىن، ماناسشى، ساتيريك، دراماتۋرگ بايانعالي ءالىمجانوۆتىڭ «شەكسىز عالام، مەن سەنىڭ ءبىر بولشەگىڭ...» اتتى شىعارماشىلىق كەشى وتەدى.

17.00-دە «Park Inn» قوناق ۇيىندە PaperLab پىكىرتالاس كلۋبىنىڭ وتىرىسى وتەدى.

الماتى

10.00-دە «Alma U» ۋنيۆەرسيتەتىندە «ۇزدىك مۇعالىمدەر رەيتينگى» جانە «الماتىنىڭ ۇزدىك مەكتەپتەرى» جوباسىنىڭ قورىتىندىسىنا ارنالعان دوڭگەلەك ۇستەل وتەدى.

10.00-دە جاستار جىلى قارساڭىندا جانە ق ر تۇڭعىش پرەزيدەنتى كۇنى اياسىندا ءال-فارابي اتىنداعى قاز ۇ ۋ- دا «ۇلى دالا جاستارى» كونفەرەنسياسى مەن «ۇلى دالانىڭ جەتى قىرى» تاريحي- كوركەم ەكسپوزيتسياسى اشىلادى.

10.00-دە حالىقارالىق اقپاراتتىق تەحنولوگيالار ۋنيۆەرسيەتىندە «رۋحاني جاڭعىرۋ ۇلتتىق باعدارلاماسى اياسىندا قوعامدى جاڭعىرتۋ» تاقىرىبىندا حالىقارالىق عىلىمي- پراكتيكالىق كونفەرەنسيا وتەدى.

12.00-دە الماتى قالاسىنىڭ وڭىرلىك كوممۋنيكاتسيالار قىزمەتىندە «AlmatyInvest» جىل سايىنعى حالىقارالىق ينۆەستيسيالىق فورۋمىنا ارنالعان باسپا ءسوز ءماسليحاتى باستالادى.

17.00-دە جولداسبەكوۆ اتىنداعى ستۋدەنتتەر سارايىندا «مەن جاستارعا سەنەمىن!» ستۋدەنت جاستاردىڭ رەسپۋبليكالىق پاتريوتتىق گالا- فورۋمى وتەدى.

18.00-دە «Almaty arena» سارايىندا قازاق كۇرەسىنە ارنالعان «Arlandar sajysy» رەسپۋبليكالىق تۋرنيرىنە ارنالعان باسپا ءسوز ءماسليحاتى وتەدى. تۋرنيردىڭ جۇلدە قورى 7800000 تەڭگەنى قۇرايدى.

كوكشەتاۋ

11:00-دە شۋچە قالاسىنداعى «جاقسى-2» سپورت كەشەنىندە قازاقستانعا ەڭبەگى سىڭگەن جاتتىقتىرۋشى ا. قازىمبەتوۆتىڭ قۇرمەتىنە ەركىن جانە ايەلدەر كۇرەسى بويىنشا ءداستۇرلى تۋرنير وتكىزىلەدى. تۋرنيرگە رەسەي، ۋكراينا، قىرعىزستان، تاجىكستان جانە قازاقستان رەسپۋبليكالارىنان پالۋاندار قاتىسادى.

شىمكەنت

10.00-11.30 ارالىعىندا شىمكەنت قالاسىنا ەلباسى جولداۋىنىڭ نەگىزگى ەرەجەلەرىن ءتۇسىندىرۋ ماقساتىمەن كەلگەن ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ «Dala FFruit.kz» ج ش س مەن «نۇرىم گرۋپپ» شارۋاشىلىعىنىڭ بورداقىلاۋ الاڭىنا بارادى.

12.00-دە شىمكەنت قالاسى اكىمدىگىنىڭ ۇلكەن ءماجىلىس زالىندا رەسپۋبليكالىق اقپاراتتىق- ناسيحاتتىق توپ باسشىسىنىڭ قاتىسۋىمەن اكتيۆ جينالىسى وتەدى.

تۇركىستان

12:00-دە تۇركىستان وبلىسىنىڭ وڭىرلىك كوممۋنيكاتسيالار قىزمەتىندە تۇلكىباس اۋدانىنىڭ اكىمى تۇراشبەكوۆ نۇربول ءابدىساتتار ۇلى اۋداندا 10 ايدا اتقارىلعان جۇمىستار بويىنشا باسپا ءسوز ءماسليحاتىن وتكىزەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى