سۇرانىسقا يە 28 جاڭا ماماندىق تەگىن وقىتىلادى

بۇل تۋرالى بۇگىن ۇكىمەت وتىرىسىندا «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى» تۋرالى بايانداعان ءبىلىم جانە عىلىم ۆيتسە- ءمينيسترى بيبىگۇل اسىلوۆا ايتتى، دەپ حابارلايدى قازاقپارات ءتىلشىسى.

«كادرلاردى وقىتۋداعى مەملەكەتتىك تاپسىرىستىڭ قۇرىلىمى وڭىرلەردىڭ سۇرانىسىنا سايكەس وزگەرتىلدى. مىسالى قىزمەت كورسەتۋ، اۋىل شارۋاشىلىعى جانە كولىك سالالارى بويىنشا كادرلاردى وقىتۋ 10 پايىزدان اسا ءوستى. جۇمىس بەرۋشىلەردىڭ ۇسىنىسىمەن ەڭبەك نارىعىندا سۇرانىسقا يە 28 جاڭا ماماندىق مەملەكەتتىك تاپسىرىسقا ەنگىزىلدى» ، - دەدى ۆيتسە- مينيستر.

 ونىڭ اتاپ وتۋىنشە، وقۋ پروتسەسىنە 246 مودۋلدىك وقۋ باعدارلاماسىن ەنگىزۋ ارقىلى كادرلاردى دايىنداۋ مازمۇنى جانە مەملەكەتتىك جالپى ءبىلىم بەرۋ ستاندارتى وزگەرتىلدى. بۇل بيزنەسكە دۋالدى وقىتۋدا 80 پايىزعا دەيىن، ءداستۇرلى ءبىلىم بەرۋدە 50 پايىزعا دەيىن وزگەرىستەر ەنگىزۋگە مۇمكىندىك بەرەدى.

 «باعدارلامانىڭ بارلىق قاتىسۋشىلارىنا شاكىرتاقى، ىستىق تاماق جانە جولاقى قاراستىرىلعان. باعدارلامانى قارجىلاندىرۋ ءۇشىن رەسپۋبليكالىق بيۋدجەتتەن قوسىمشا 17,2 ميلليارد تەڭگە ءبولىنىپ، جەرگىلىكتى بيۋدجەتتەرگە جىبەرىلدى» ، - دەدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى