بۇلتتاردى «اتالىق جانە انالىق» دەپ بولگەن 28 جاستاعى قازاقستاندىق عالىم جەلىنى شۋلاتتى
وسى جاڭالىعى ءۇشىن 26 جاسىندا پروفەسسور اتانعان ازامات بايتاسوۆ بالقاشقا كەلدى. ول وزىنە «ماقساتىما قول جەتكىزگەننەن كەيىن عانا تۋعان قالاما ورالام» دەپ سەرت بەرگەن ەكەن. ال، دىتتەگەنىنە جەتۋ ءۇشىن الماتىعا وقۋعا ءتۇسىپ، گەوگرافيا مۇعالىمى اتانادى. كەيىن ماگيستراتۋرانى ءتامامداپ، زەرتتەۋ جۇرگىزە باستايدى. ونىڭ بۇلتتار تۋرالى جاڭالىعىن باتىس عالىمدارى دا مويىنداعان. وسى ەڭبەگى ءۇشىن ازامات بايتاسوۆ نەبارى 26 جاسىندا الەۋمەتتىك عىلىمداردىڭ پروفەسسورى اتاندى.
«شىن مانىندە جاۋىن-شاشىن بەكەردەن-بەكەر جاۋمايدى. ويتەنى اۋادان جانە بۇلتتان تۇسەتىن جاۋىن-شاشىن بولادى. ەكەۋىنىڭ تابيعاتى ەكى ءتۇرلى. ونىڭ پايدا بولۋىنا اسەر ەتەتىن نارسە اتالىق جانە انالىق بۇلتتاردىڭ پايدا بولۋى.
وسىنداي جاڭالىقتى تەوريا جۇزىندە دالەلدەگەننەن كەيىن باتىستىق عالىمدار بىردەن مويىندادى. ەندى قازاق عىلىمي ورداسى قوعامدىق ماڭىزدىلىققا يە بولۋ ءۇشىن بىرنەشە جىلدار كەرەك»، - دەيدى الەۋمەتتىك عىلىمداردىڭ پروفەسسورى ازامات بايتاسوۆ.
قازىر جاس عالىم 28 جاستا. بىرنەشە وقۋلىق پەن ادىستەمەلىك قۇرالدىڭ اۆتورى. گەوگرافيا ءپانى بويىنشا قۇراستىرعان سۇراقتارى ۇ ب ت- عا ەنگىزىلگەن.
جاس عالىم مۇنىمەن توقتاپ قالماق ەمەس. ول جاقىندا PhD دوكتور عىلىمي دەڭگەيىن الۋ ءۇشىن ماسكەۋگە بارماق. ودان كەيىنگى زەرتتەۋىن قازاقستاننىڭ ەكونوميكاسىنا ارناعالى وتىر. سول ارقىلى دامىعان 50 مەملەكەتتىڭ قاتارىنا قوسىلۋ ءۇشىن ەلىمىزگە نە جەتىسپەيتىندىگىن انىقتاماق نيەتتە.
