شىمكەنت مۇعالىمدەرىنىڭ 28 ميلليون تەڭگەسىن كىم ۇرلادى
«وسى كاسىپوداققا مۇشە ازاماتتاردىڭ باستاماسىمەن اۋديتورلىق تەكسەرىس جۇرگىزىلگەن بولاتىن. سونىڭ ناتيجەسىندە 27 ميلليون 677 مىڭ 789 تەڭگەنىڭ ۇرلانعانى انىقتالدى. بۇنىڭ ءبارى - سالا قىزمەتكەرلەرىنىڭ جارنالارى»، - دەيدى مۇعالىمدەردىڭ قۇقىقتارىن قورعاۋ جونىندەگى ۇيىمداستىرۋشى كوميتەتىنىڭ باسشىسى ءۋاليحان يۋسۋپوۆ.
ونىڭ ايتۋىنشا، وسى ماسەلە بويىنشا قۇقىق قورعاۋ ورگاندارىنا ارىز بەرىلگەن بولاتىن. قىلمىستىق ءىس قوزعالدى. بۇگىندە شىمكەنت قالاسى بويىنشا ءبىلىم مەن عىلىم سالاسى قىزمەتكەرلەرى كاسىپوداعىنىڭ ءتوراعاسى عاني سۇلەيمەن كۇدىكتى رەتىندە جاۋاپقا تارتىلىپ وتىر. «دەگەنمەن، بۇل ىسكە ق ر تاۋەلسىز كاسىپوداقتار كونفەدەراتسياسىنىڭ باسشىسى لاريسا حاركوۆانىڭ دا قاتىسى بار بولۋى ابدەن مۇمكىن»، - دەيدى كاسىپوداق مۇشەلەرى.
حاركوۆا حانىم ءبىلىم مەن عىلىم سالاسى قىزمەتكەرلەرىنىڭ قۇقىقتارىن قورعاۋدىڭ ورنىنا ىلعي شەتەلدە كومانديروۆكامەن جۇرەدى. ال ميلليونداعان اقشانىڭ ۇرلانعانىنا قاتىستى مۇعالىمدەردىڭ ارىز- شاعىمدارىنا مۇلدەم قۇلاق اسپايدى. وسى ماسەلە بويىنشا تۇسىنىكتەمە دە بەرمەي وتىر. مۇعالىمدەر بولسا، ءوز قۇقىقتارىن قورعاۋعا اي سايىن اۋدارىپ وتىرعان جارنالارىنىڭ قايدا جۇمسالعانىن بىلە الماي جاتىر. وسى ۋاقىتقا دەيىن حاركوۆا جەتەكشىلىك ەتەتىن كونفەدەراتسيا ولاردىڭ بىردە-ءبىر پروبلەماسىن شەشكەن جوق. ءتىپتى، ساناتورلىق پەن كۋرورتتىق جولدامالاردى ەشكىم كورمەدى. وسىعان بايلانىستى شىمكەنت قالاسى بويىنشا ءبىلىم مەن عىلىم سالاسى قىزمەتكەرلەرىنىڭ كاسىپوداعى ق ر تاۋەلسىز كاسىپوداقتار كونفەدەراتسياسى قۇرامىنان شىعۋعا شەشىم قابىلدادى.
اۆتور: ارمان اسقاروۆ
