الماتىدا كوپتەن كۇتكەن «28- پانفيلوۆشىلار» فيلمىنىڭ پرەمەراسى ءوتتى
كارتينانى ق ر مادەنيەت جانە سپورت مينيسترلىگىنىڭ قولداۋىمەن «28- پانفيلوۆشىلار» تاۋەلسىز ستۋدياسى ءتۇسىردى. فيلمنىڭ كينوپروكاتىن قازاقستاندا «قازاق فيلم» كينوستۋدياسى جۇزەگە اسىرادى. اتى اڭىزعا اينالعان ديۆيزيانىڭ جەڭىسى جايلى فيلمدى استانادا ەكى ەلدىڭ ءوڭىرارالىق ىنتىماقتاستىعى فورۋمىندا قازاقستان مەن رەسەي پرەزيدەنتتەرى - نۇرسۇلتان نازاربايەۆ پەن ۆلاديمير پۋتين كوردى.
ال بۇل پرەمەراعا ق ر مادەنيەت جانە سپورت ءمينيسترى ارىستانبەك مۇحامەدي ۇلى كەلدى. پرەمەراعا گەنەرال يۆان پانفيلوۆتىڭ نەمەرەلەرى - ايگۇل مەن الۋا بايقاداموۆالار قاتىستى.
«بۇل رەسەي مەن قازاقستاننىڭ قاتىسۋىمەن حالىقتىڭ قاراجاتىنا ءتۇسىرىلىپ جاتقان العاشقى جوبا. ول ەرەكشە نازاردى تالاپ ەتەدى. رەسەي مادەنيەت ءمينيسترى ۆلاديمير مەدينسكيگە جەرلەستەرىمىزدىڭ ەرلىگىن جىلى قابىلداعانى ءۇشىن العىس بىلدىرەمىن. ارينە، رەجيسسەر اندرەي شالوپقا دا العىسىم شەكسىز. ول تاريحتى جانىمەن سۇيەتىن پرينتسيپشىل كىسى»، - دەپ اتاپ ءوتتى سويلەگەن سوزىندە ق ر م س م باسشىسى ارىستانبەك مۇحامەدي ۇلى.
فيلم گەنەرال يۆان ۆاسيليەۆيچ پانفيلوۆتىڭ قولباسشىلىعىنداعى 316-اتقىشتار ديۆيزياسىنىڭ 28- اسكەرى دۋبوسەكوۆودا قورعانىستى ۇستاپ، نەمىس تانكى باتالونىن توقتاتقان 1941-جىلعى 16- قاراشاداعى وقيعانى بەينەلەيدى.
سيۋجەت تولىقتاي كەڭەس اسكەرىنىڭ جەڭىسىنە نەگىزدەلگەن. باستى رولدەردە - الەكساندر ۋستيۋگوۆ، ياكوۆ كۋچەريەۆسكي، ازامات نىعمانوۆ، ولەگ فەدوروۆ، انتون كۋزنەتسوۆ، الەكسەي لونگين، ازيز بەيشەناليەۆ، دميتري سۋتىرين، اندرەي بودرەنكوۆ، اسقار تىلەۋعابىلوۆ جانە ت. ب. سول كۇنى الماتىدا «ءبىز پانفيلوۆشىلار - ميلليونبىز» مارشى ءوتتى.
سودان سوڭ 28-گۆارديا- پانفيلوۆشىلار ساياباعىندا ميتينگ بولىپ، ونىڭ ارتى «اسكەر ءۇيى» ءماجىلىس زالىندا كەڭەس ساربازدارىنىڭ جەڭىسىنە ارنالعان كونسەرت-رەكۆيەمگە ۇلاستى.
