رەسەيلىكتەردى قىزىقتىرىپ، 28 ميلليون رۋبل اقشاسىن قاعىپ العان 72 جاستاعى قاراعاندىنىڭ تۋماسى ۇستالدى
ر ف ءى ءى م ماسكەۋ بويىنشا باس باسقارماسىنان حابارلاعانداي، الاياق، قاراعاندىنىڭ تۋماسى زارداپ شەگۋشىلەردى ءارتۇرلى بانكتەردە نەسيە الىپ، الىنعان اقشالارىن «بيزنەس-جوباعا» سالۋعا سەندىرىپ، ۇلكەن مولشەرلەمە بەرۋگە ۋادە ەتكەن. وزدەرىنىڭ دوستارى مەن تانىستارىن تارتقان ادامدارعا دا تولەمدەر بەرىلەتىنىنە ۋادە ەتىلگەن.
«ازاماتتاردان زاەمدىق اقشا قاراجاتتارىن العان الاياق ولارعا نەسيەنىڭ 10 پايىزعا جۋىعىن تولەگەن، قالعانىن كەيىنىرەك بەرۋگە مىندەتتەنگەن. نەسيەگەرلەردى سەندىرۋ ءۇشىن العاشقى كەزدە زاەمدار بەرە باستاعان، ءبىراق تا كەيىننەن بانكتەردەن قوردالانىپ قالعان بورىشتارى جونىندە تەلەفون قوڭىراۋلارى تۇسكەن كەزدە، «بيزنەس-ارىپتەس» بايلانىسقا شىقپاعان»، - دەپ اڭگىمەلەدى قۇقىق قورعاۋشىلار.
الاياق زەينەتكەر ورتالىق وكرۋگتەگى پاتەرلەردىڭ بىرىندە ۇستالعان. الاياقتىق قىلمىس 2012-2015-جىلدار ارالىعىندا ورىستەگەن. وعان قاتىستى ر ف ق ك 159-بابىمەن («اسا ءىرى كولەمدەگى الاياقتىق») قىلمىستىق ءىس قوزعالدى. كۇدىكتى ۇستالدى.
