شىعىس قازاقستاندا ورتتەن كوز جۇمعاندار سانى 27 پايىزعا كوبەيدى

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، بيىلعى جىلىتۋ ماۋسىمىندا ءوڭىر بويىنشا ءورت سانى %11,1 عا تومەندەگەن. الايدا قىزىل جالىننان كوز جۇمعاندار كەرىسىنشە كوبەيىپ وتىر. ناقتى ايتقاندا، 11 ادامدى قۇراپ، بىلتىرعى كەزەڭمەن سالىستىرعاندا %27,2 عا ارتقان.

«جىلىتۋ ماۋسىمى باستالعالى ءتىلسىز جاۋدان زارداپ شەككەندەر سانى %37 عا ارتتى. جازاتايىم وقيعالاردىڭ نەگىزگى سەبەپتەرى - ءورت قاۋىپسىزدىگى ەرەجەلەرىن ساقتاماۋ، پەشتەگى جارىق جانە پەش مۇرجاسىنىڭ تازالانباۋى. ءورت كوبىنەسە جەر ۇيلەردەن شىعادى (%54,2). قۇتقارۋشىلار ءورتتىڭ الدىن الۋ ءۇشىن 190000-نان استام اۋلانى ارالاپ شىقتى. ناتيجەسىندە، ۇيلەردە قاۋىپسىزدىك تالاپتارىن بۇزۋدىڭ 44689 فاكتىسى تىركەلدى»، - دەيدى وبلىستىق ت ج د مەملەكەتتىك ءورت باقىلاۋ باسقارماسىنىڭ باستىعى نۇرجان ءومىرجانوۆ.

جالپى وبلىس اۋماعىندا پەش جاعىپ وتىرعان الەۋمەتتىك وسال ساناتتاعى 3174 وتباسى بار. دەپارتامەنت ماماندارى جەرگىلىكتى اتقارۋشى ورگاندارمەن بىرلەسىپ، سول ۇيلەردى ەكى رەت ارالاپ شىققان. بارلىعى 2357 بۇزۋشىلىق انىقتالدى. قازىرگى ۋاقىتتا 440 بۇزۋشىلىق جويىلعان.

جىلىتۋ ماۋسىمى باستالعالى بەرى دەمەۋشىلەردىڭ كومەگىمەن الەۋمەتتىك وسال ساناتتاعى وتباسىلاردىڭ ۇيلەرىنە ۋلى گازدى انىقتايتىن 2476 داتچيك ورناتىلدى.

فوتو: ش ق و اقپارات ورتالىعى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى