ءۇش جىلدا قازاقستاندىقتاردىڭ زەينەتاقىسى 27 پايىعا وسەدى
بۇل تۋرالى وڭىرلىك كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا ەڭبەك جانە الەۋمەتتىك قورعاۋ كوميتەتىنىڭ الماتى قالاسى بويىنشا دەپارتامەنتى باسشىسىنىڭ الەۋمەتتىك ماسەلەلەر جونىندەگى ورىنباسارى ريزۆانگۇل دارايەۆا ايتتى، دەپ حابارلايدى قازاقپارات ءتىلشىسى.
سپيكەردىڭ كەلتىرگەن مالىمەتىنە سايكەس، قازىر ەلىمىزدە 2 ميلليون استام زەينەتكەر بار.
«جولداۋ شارالارىنىڭ ءبىرى 2023 -جىلدان باستاپ ايەلدەردىڭ زەينەتكەرلىك جاسىن 61 جاس دەڭگەيىندە 5 جىلعا جوسپارلانعان ارتتىرۋدى توقتاتا تۇرۋمەن بايلانىستى بولدى. بۇل شەشىم كوروناۆيرۋس پاندەمياسىنىڭ ازاماتتاردىڭ دەنساۋلىعى مەن ءومىر ءسۇرۋ ۇزاقتىعىنا كەرى اسەرىن تيگىزگەنىن ەسكەرە وتىرىپ قابىلداندى. الداعى 5 جىل ىشىندە دەنساۋلىق ساقتاۋ جۇيەسىن جاقسارتۋ جونىندە شارالار قابىلداناتىن بولادى. بۇل رەتتە اۋىل مەديتسيناسىنا، ازاماتتاردىڭ دەنساۋلىعىن قالپىنا كەلتىرۋگە جانە قولداۋعا باعىتتالعان وڭالتۋ ورتالىقتارى جەلىسىن قۇرۋعا جانە كەڭەيتۋگە ەرەكشە نازار اۋدارىلادى»، - دەدى ريزۆانگۇل دارايەۆا.
ونىڭ ايتۋىنشا، 2023 -جىلدىڭ 1-قاڭتاردان باستاپ 2027 -جىلعا دەيىن ەڭ تومەنگى بازالىق زەينەتاقى مولشەرىن ەڭ تومەنگى كۇنكورىس دەڭگەيىنىڭ 54 پايىزىنان 70 پايىزىنا دەيىن، ەڭ جوعارعىسىن - تيىسىنشە 100 پايىزدان 120 پايىزعا دەيىن كەزەڭ-كەزەڭىمەن جەتكىزۋ كوزدەلگەن.
«وسى كەزەڭدە بازالىق زەينەتاقى مولشەرى ورتا ەسەپپەن 51 پايىزعا دەيىن ارتاتىن بولادى. بۇل رەتتە، بازالىق زەينەتاقىنىڭ ورتاشا مولشەرىنىڭ جىل سايىنعى ءوسۋى شامامەن 13 پايىزدى قۇراپ، بارلىق 2 ميلليون زەينەتكەردى قامتيدى. ۇسىنىلىپ وتىرعان شارالار 2025 -جىلعا قاراي جيىنتىق زەينەتاقىنى ورتا ەسەپپەن 27 پايىزعا وسىرۋگە (3 جىل ىشىندە - 109 مىڭنان 138 مىڭ تەڭگەگە دەيىن) جانە جيىنتىق زەينەتاقىداعى مەملەكەتتىك تولەمدەردىڭ ۇلەس سالماعىن ارتتىرۋعا مۇمكىندىك بەرەدى. وسىلايشا، مەملەكەت قارت ادامدار اراسىندا كەدەيلىكتىڭ وسۋىنە جول بەرمەيدى»، - دەدى ول.
سونداي-اق ريزۆانگۇل دارايەۆا ب ج ز ق- نىڭ جاڭا ينۆەستيتسيالىق ستراتەگياسى ازىرلەنەتىنىن ءمالىم ەتتى.
«جيناقتاۋشى زەينەتاقى جۇيەسىنىڭ قارجىلىق تۇراقتىلىعىن قامتاماسىز ەتۋ جانە ازاماتتاردىڭ زەينەتاقى جيناقتارىنىڭ تابىستىلىعىن ارتتىرۋ ماقساتىندا زەينەتاقى اكتيۆتەرىن ءتيىمدى باسقارۋدى ارتتىرۋ بويىنشا شارالار قابىلداناتىن بولادى. بۇل رەتتە ب ج ز ق- نىڭ جاڭا ينۆەستيتسيالىق ستراتەگياسىن ازىرلەۋ جانە زەينەتاقى اكتيۆتەرىن باسقارۋعا ينۆەستيتسيالاۋدا ۇلكەن تاجىريبەسى بار كاسىبي جانە اشىق جەكە كومپانيالاردى تارتۋ جوسپاردا»، - دەيدى سپيكەر.
بۇگىندە ازاماتتاردىڭ زەينەتاقى اكتيۆتەرىنىڭ بۇگىنگى كولەمى 13 تريلليون تەڭگەدەن استى. بىلتىر ب ج ز ق ينۆەستيتسيالىق پورتفەلىنىڭ تابىسى 11,13 پايىزدى قۇرادى.
