ەكپىندى جەل، قار، جاڭبىر: 27- قازان كۇنگى اۋا راي بولجامى

ەلدىڭ تەك باتىسىندا، وڭتۇستىك-باتىسىندا جانە وڭتۇستىك-شىعىسىندا جاۋىن-شاشىنسىز اۋا رايى كۇتىلەدى.

رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى كۇتىلەدى. سولتۇستىك وڭىرلەردە جاياۋ بۇرقاسىن، وڭتۇستىكتە شاڭدى داۋىل بولجانادى، دەپ حابارلايدى قازاقپارات.

«قازگيدرومەت» ر م ك مالىمەتىنشە، جامبىل، قىزىلوردا وبلىستارىنىڭ كەي جەرلەرىندە 15-20 م/س كۇشپەن جەل سوعادى، كۇندىز ەكپىنى 23-28 م/س ارتادى.

جامبىل وبلىسىنىڭ وڭتۇستىك-باتىسىندا جەلدىڭ جىلدامدىعى 30 م/س جانە ودان اسا كۇشەيەدى.

تۇركىستان وبلىسىنىڭ كەي جەرلەرىندە شاڭدى داۋىل تۇرىپ، 15-20 م/س ەكپىندەگى جەلدىڭ كۇشى كۇندىز 23-28 م/س ارتادى.

قوستاناي، سولتۇستىك قازاقستان، اقمولا وبلىستارىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، جەلدىڭ ەكپىنى 23-28 م/س كۇشەيەدى.

قاراعاندى، تۇندە شىعىس قازاقستان وبلىستارىنىڭ كەي جەرلەرىندە تۇمان، كوكتايعاق بولجانادى.

تۇندە كەي جەرلەردە، كۇندىز باسىم بولىگىندە 15-20 م/س كۇشپەن جەل سوعادى. كۇندىز ەكپىنى 23-28 م/س جەتۋى ىقتيمال.

پاۆلودار وبلىسىنىڭ كەي جەرلەرىندە تۇمان كۇتىلەدى، جەل تۇندە باسىم بولىگىندە 15-20، كەي جەرلەرىندە 23-28 م/س كۇشەيەدى.

اقتوبە وبلىسىنىڭ كەي جەرلەرىندە تۇمان، كوكتايعاق بولادى. كۇندىز جەلدىڭ ەكپىنى 23 م/س كۇشەيەدى.

الماتى وبلىسىنىڭ جالاڭاشكول اۋدانىندا كۇندىز جەلدىڭ ەكپىنى 25 م/س ارتادى.

باتىس قازاقستان، تۇندە جانە تاڭەرتەڭ اتىراۋ وبلىستارىنىڭ كەي جەرلەرىندە تۇمان بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى