الماتى وبلىسىندا قار سالدارىنان 27 كولىك اسۋدا تۇرىپ قالدى

«ساعات 16.40-تا الماتى وبلىسىنىڭ توتەنشە جاعدايلار دەپارتامەنتىنە كەگەن اۋدانىندا، «كەگەن- اقساي» وبلىستىق ماڭىزداعى اۆتوجولدىڭ 15-شاقىرىمىنداعى كەگەن اسۋىندا قاردىڭ مول جاۋۋىنان كولىكتەر جينالىپ قالعانى حابارلاندى»، - دەدى وبلىستىق توتەنشە جاعدايلار دەپارتامەنتىنەن.

وقيعا ورنىنا جەتكەن كەزدە بيىكتىگى 7-8 س م قار سالدارىنان جازعى شينامەن جۇرگەن اۆتوكولىكتەر بيىكتىككە شىعا الماي جاتقانى انىقتالعان. جالپى، اسۋدا 27 كولىك، ونىڭ ىشىندە 6 جۇك كولىگى تۇرىپ قالعان.

«ت ج د قىزمەتكەرلەرى كەگەن اۋىلىنا 4 ادامدى ەۆاكۋاتسيالادى - اۋرۋحاناعا بارا جاتقان ەر ادامدى جانە ەكى بالاسى بار ايەلدى. «قازاۆتوجول» ج ش س قىزمەتكەرلەرى اۆتوجولدى تازارتۋ جانە ينەرتتى ماتەريالدى شاشۋ بويىنشا جۇمىستار جۇرگىزدى. قار توقتادى، اۆتوكولىكتەر قالىپتى رەجيمدە قوزعالۋدا. زارداپ شەككەندەر مەن قازا بولعاندار جوق»، - دەدى ۆەدومستۆودان.

ەسكە سالايىق، «قازگيدرومەت» اۋا رايىنىڭ بۇزىلۋىنا بايلانىستى 6 وڭىردە ەسكەرتۋ جاريالاپ وتىر.

اۆتور: ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى