بۇگىن اقمولا وبلىسىندا 27- وبلىستىق «اقبيداي» سپارتاكياداسى جالاۋىن كوتەردى - فوتو

شاراعا قاتىسقان وبلىس اكىمى سەرگەي كۋلاگين جينالعانداردى سپارتاكيادانىڭ ءارى وسى سپورتتىق دودا ءوتىپ جاتقان ستاديوننىڭ اشىلۋ ساتىمەن قۇتتىقتاپ، قاتىسۋشىلارعا ساتتىلىك تىلەدى. سونداي-اق، ءوڭىر باسشىسى ەلىمىزدە جىل سايىن تامىزدىڭ ءۇشىنشى جەكسەنبىسىندە اتالىپ وتەتىن سپورت كۇنى قارساڭىندا وبلىستا سپورتتىڭ دامۋىنا ۇلەس قوسىپ جۇرگەن ازاماتتاردى ماراپاتتادى.

وڭىردە بۇقارالىق سپورتتى دامىتۋ، سالاۋاتتى ءومىر سالتىن قالىپتاستىرۋ ماقساتىندا ۇيىمداستىرىلعان سپارتاكيادا فۋتبول، ۆولەيبول، جۇگىرۋ سياقتى سپورتتىڭ بىرنەشە ءتۇرى بويىنشا وتۋدە.

جالپى، سپارتاكياداعا وبلىستاعى 17 اۋدان مەن 2 قالادان كەلگەن 1 مىڭعا جۋىق سپورتشى قاتىسىپ جاتىر. قاتارىنان ەكى كۇن وتەتىن جارىستىڭ جەڭىمپازدارى ەرتەڭ بەلگىلى بولادى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى