تارازدا كەك قايتارۋ ماقساتىمەن پوليتسەيدى ولتىرگەن قىلمىسكەر 27 جىلعا سوتتالدى
بۇل تۋرالى اتالعان سوتتىڭ باسپا ءسوز قىزمەتىنەن حابارلادى.
« وعان ق ر ق ك 96-بابى 2-بولىگى « ب، ج» تارماقشاسى، 251-بابى 3-بولىگى بويىنشا ايىپ تاعىلدى».
جامبىل وبلىسى قورداي اۋدانىنىڭ تۋماسى، ءتورت رەت سوتتى بولعان م. توقمولدايەۆ اۋىر، اسا اۋىر قىلمىس جاساعانى ءۇشىن تۇرمەدە جازاسىن وتەگەن. ونىڭ قىلمىستىق ارەكەتىن اشكەرەلەۋدە قورداي ا ءى ءى ب باسشىسىنىڭ ورىنباسارى بولىپ جۇمىس ىستەگەن قورداي ا ءى ءى ب قىزمەتكەرى ب. بەلسەندى ءرول اتقارعان.
ول تۇرمەدە جاتقانىنا پوليتسەي ب- نى كىنالى ساناپ، ونى ءولتىرۋدى جوسپارلاعان. 2009 - جىلى ارام پيعىلىن جۇزەگە اسىرۋ ءۇشىن ول جازاسىن وتەۋ ورنىنان قاشىپ شىعادى. ءسويتىپ اۋدان اۋماعىندا قىلمىستىق توپ قۇرىپ، پاتروندار مەن تاپانشا ساتىپ الادى.
2009 - جىلى قاراشادا قارۋمەن جاراقتالعان قىلمىسكەر پوليتسەي ب- نىڭ ىزىنە ءتۇسىپ، اڭديدى. شارۋاشىلىق قوجالىعىنا كىرەبەرىستە ونى 4 رەت اتقان، پوليتسەي قازا تاپتى، ال قىلمىسكەر وقيعا ورنىنان بوي تاسالاعان.
سوت ۇكىمىمەن م. توقمولدايەۆ ق ر 96-بابى 2-بولىگى « ب، ج» تارماقشاسى، 251-بابى 3-بولىگىندە كوزدەلگەن قىلمىستى جاسادى دەپ ايىپتالدى. وعان ەرەكشە رەجىمدەگى تۇزەۋ مەكەمەسىندە جازاسىن وتەي وتىرىپ، 27 جىلعا باس بوستاندىعىنان ايىرۋ جازاسى تاعايىندالدى.
ۇكىم زاڭدى كۇشىنە ەنگەن جوق، دەپ ناقتىلادى سوتتىڭ باسپا ءسوز قىزمەتىنەن.
