قورعانىس ءمينيسترى قازا تاپقان س ۋ-27 ۇشاعى ەكيپاجىنىڭ وتباسىلارىنا پاتەر كىلتتەرىن تابىس ەتتى - فوتو
ماعريپا سارقىنوۆا مەن ليۋبوۆ گوربۋنوۆاعا اقمولا وڭىرلىك گارنيزونى تۇرعىن ءۇي كوميسسياسىنىڭ شەشىمىمەن ەكى جانە ءۇش بولمەلى پاتەرلەر بەرىلدى.
«ءبىز بەيبىت تۇرعىنداردى امان ساقتاپ قالۋ ءۇشىن ءوز ومىرلەرىن قيىپ، ناعىز ەرلىك جاساعان وفيتسەرلەردى قۇرمەتپەن ەسكە الامىز. ولاردىڭ ەسىمدەرى وسى ەرلىكتەرىنە ريزا بولعان ميلليونداعان قازاقستاندىقتاردىڭ جۇرەگىندە ماڭگىگە ساقتالىپ قالاتىن بولادى»، - دەدى ق ر قورعانىس ءمينيسترى يمانعالي تاسماعامبەتوۆ.
«بىزگە كوڭىل ءبولىپ، پاتەر بەرىپ وتىرعان قورعانىس مينيسترلىگىنە ريزامىز، بالالارىمىزدىڭ بولاشاعى بار»، - دەيدى پودپولكوۆنيك دەنيس گوربۋنوۆتىڭ ارتىندا قالعان جۇبايى ليۋبوۆ الەكسەيەۆنا.
ەستەرىڭىزگە سالا كەتەيىك، 2014 - جىلعى قىركۇيەكتە الماتى وبلىسىندا وقۋ- جاتتىعۋ ۇشۋلارى كەزىندە س ۋ-27 اسكەري ۇشاعى قۇلاعان بولاتىن. پودپولكوۆنيك ەرلان ناۋانوۆ پەن پودپولكوۆنيك دەنيس گوربۋنوۆ باسقارعان ەكيپاج ۇشاقتى ەلدى مەكەننەن اۋلاققا الىپ كەتۋ ءۇشىن قولدان كەلگەننىڭ ءبارىن جاسادى.
2014 - جىلعى جەلتوقسان ايىندا مەملەكەت باسشىسىنىڭ جارلىعىمەن جاۋىنگەرلىك جانە قىزمەتتىك بورىشتارىن ورىنداۋ كەزىندە كورسەتكەن جانقيارلىق ەرلىگى ءۇشىن پودپولكوۆنيك ەرلان ناۋانوۆ پەن پودپولكوۆنيك دەنيس گوربۋنوۆ قازا تاپقاننان كەيىن Ⅱدارەجەلى «ايبىن» وردەنىمەن ناگرادتالعان بولاتىن. ناگرادالاردى ق ر قورعانىس ءمينيسترى يمانعالي تاسماعامبەتوۆتىڭ قولىنان وفيتسەرلەردىڭ انالارى - ريزا بەكەن قىزى مەن تاتيانا الەكساندروۆنا الدى.
