قاڭتاردىڭ 27 كۇنى مينسكىدە قازاقستاننىڭ توراعالىعىمەن ت م د تۇراقتى وكىلدەرى كەڭەسىنىڭ وتىرىسى وتەدى
وتىرىسقا بەلارۋس رەسپۋبليكاسىنىڭ سىرتقى ىستەر ءمينيسترى ۆلاديمير ماكەي جانە ت م د اتقارۋ كوميتەتىنىڭ ءتوراعاسى - اتقارۋشى حاتشىسى سەرگەي لەبەديەۆ قاتىسادى.
بيىلعى جىلى ت م د- عا قازاقستاننىڭ ءتوراعالىعىنا بايلانىستى تۇراقتى وكىلدەر كەڭەسىنە قازاقستان رەسپۋبليكاسىنىڭ دوستاستىقتىڭ جارعىلىق جانە باسقا دا ورگاندارى جانىنداعى تۇراقتى وكىلەتتى وكىلى ەرعالي بولەگەنوۆ باسشىلىق ەتەدى.
وتىرىسقا قاتىسۋشىلار دوستاستىق ورگاندارىنا ت م د مەملەكەت باسشىلارىنىڭ كەڭەسى، ۇكىمەتتەر باسشىلارى كەڭەسى جانە سىرتقى ىستەر مينيسترلىگى كەڭەسى بەرگەن 2011-2013-جىلدارداعى تاپسىرمالاردى جۇزەگە اسىرۋ بارىسى تالقىلانادى، دەپ حابارلادى ت م د اتقارۋشى كوميتەتىنىڭ باسپا ءسوز قىزمەتى.
وتىرىستا كەڭەستىڭ 2015-جىلعا ارنالعان جۇمىس جوسپارى بەكىتىلەدى. ۇلى وتان سوعىسىنداعى كەڭەس حالقى جەڭىسىنىڭ 70 جىلدىعىن مەرەكەلەۋگە جانە تاۋەلسىز مەملەكەتتەر دوستاستىعىنىڭ 25 جىلدىعىنا ازىرلىك ماسەلەلەرىنە باسا نازار اۋدارۋ جوسپارلانۋدا.
