قىتايدا وتكەن اسكەري اۋە پارادىن قازاقستاندىق شابۋىلداۋشى سۋ-27 ۇشاقتارى اشتى - فوتو
دەپ حابارلادى ق ر قورعانىس مينيسترلگىنىڭ باسپا ءسوز قىزمەتىنەن.
ەكى اپتا بويى ش ى ۇ- نا قاتىسۋشى ەلدەردىڭ اسكەري كونتينگەنتتەرى بىرلەسىپ اسكەرلەردى باسقارۋ، ءوزارا ارەكەت ەتۋ، جاۋىنگەرلىك ۇيلەسىمدىك قيمىلدارى جونىندەگى سۇراقتاردى پىسىقتادى.
شەشۋشى كەزەڭ - شتاب باسشىلىعىنىڭ، اسكەري ۇجىمنىڭ جانە قامتاماسىز ەتۋشى بارلىق قىزمەتتەردىڭ بۇعان دەيىنگى جۇمىسىن تۇيىندەيتىن جاتتىعۋدىڭ اسا ماڭىزدى كەزەڭى بولىپ سانالادى.
جاتتىعۋدىڭ جابىلۋ ءراسىمى كەزىندە ءسوز سويلەگەن قورعانىس ءمينيسترىنىڭ ءبىرىنشى ورىنباسارى - ق ر ق ك باس شتابىنىڭ باستىعى ساكەن جاسۇزاقوۆ اتالعان جاتتىعۋدىڭ مۇمكىن بولاتىن قاۋىپ قاتەرلەرگە، تەك ءبىزدىڭ ەلىمىزگە عانا ەمەس، بۇكىل الەمدىك قاۋىمداستىققا دا وزەكتى - تەرروريزم، ەكسترەميزم، سەپاراتيزمگە قارسى تۇرۋ ءۇشىن ماڭىزدى ەكەنىن اتاپ ءوتتى.
جاتتىعۋدىڭ جابىلۋ ءراسىمى بارىسىندا اۋە پارادى وتكىزىلدى، ونى قازاقستاندىق شابۋىلداۋشى سۋ-27 ۇشاقتارى اشتى.
«بەيبىت ميسسيا-2014» انتي تەررورلىق بىرلەسكەن وقۋ- جاتتىعۋى ش ى ۇ شەڭبەرىندە وسىمەن جەتىنشى رەت ءوتىپ، وعان قازاقستان، قىتاي، قىرعىزستان، رەسەي جانە تاجىكستان قارۋلى كۇشتەرىنىڭ اسكەري بولىمشەلەرى قاتىستى.
جاتتىعۋعا جەتى مىڭعا جۋىق اسكەري قىزمەتشىلەر، ءبىر جارىم مىڭنان استام قارۋ جاراق پەن اسكەري تەحنيكا ۇشاقتار مەن تىك ۇشاقتار پايدالانىلدى.
