قاڭتار وقيعاسىنا قاتىستى 2750 قىلمىستىق ءىس تەرگەلىپ جاتىر - باس پروكۋراتۋرا

بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«باس پروكۋراتۋرا قاڭتار وقيعاسىندا بولعان قىلمىستاردىڭ تەرگەلۋىن، ازاماتتاردىڭ كونستيتۋتسيالىق قۇقىقتارىن، زاڭدىلىقتىڭ ساقتالۋىن قاداعالاۋدى جالعاستىرىپ كەلەدى. بۇگىنگى كۇنى 2750 قىلمىستىق ءىس تەرگەلۋدە. 802 كۇدىكتى سوت سانكسياسىمەن قاماۋعا الىندى. ال 91 تۇلعاعا بۇلتارتپاۋ شاراسى قولدانىلدى. قاماۋعا الىنعانداردىڭ 113 ءى - سوتتى بولعان، كىسى ءولتىرۋ، ۇرلىق، توناۋ جانە قاراقشىلىق ءۇشىن جانە راديكالدى ءدىني اعىمداردىڭ جاقتاۋشىلارى»، - دەدى ول ورتالىق كوممۋنيكاتسيالار قىزمەتىدەگى بريفينگ بارىسىندا.

ونىڭ اتاپ وتۋىنشە، كۇدىكتىلەردى قاماۋعا الۋ ماسەلەسىن قاراستىرۋ كەزىندە ولاردىڭ ءارقايسىسىنىڭ ءىس-ارەكەتى، جەكە باسى، كىناسىن مويىنداۋ جانە تەرگەۋگە كومەك كورسەتۋى ەسكەرىلەدى.

«وسى نەگىزدەرمەن پروكۋرورلار كۇدىكتىنى قاماۋعا الۋ تۋرالى 11 ۇسىنىستى قولدامادى. ءوز كەزەگىندە سوت تا 80 كۇدىكتىنى قاماۋعا الۋدان باس تارتتى. ۋاقىتشا ۇستاۋ يزولياتورىنان 103 ادام بوساتىلدى»، - دەدى ەلدوس قيلىمجانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى