تۇركيادا شاحتادا قازا بولعانداردىڭ سانى 274 كە جەتتى

بۇعان دەيىن 245 ادام اجال قۇشتى دەپ حابارلانعان بولاتىن. يىلدىزدىڭ ايتۋئنشا، سوماداعى شاحتاداعى جارىلىس ەل تاريحىنداعى ەڭ ءىرى اپات بولىپ سانالادى.

 اپات سەيسەنبى كۇنى تۇستەن كەيىن ىستامبۇلدان 250 شاقىرىم قاشىقتىقتاعى سوما ەلدى مەكەنىندە ورىن الدى. ەلدىڭ ەنەرگەتيكا ءمينيسترى تانەر يىلدىزدىڭ ايتۋىنشا، ەلەكتر سىمىنىڭ تۇيىقتالۋى ورتكە جانە جارىلىسقا اكەپ سوقتىرعان. جارىلىس كەزىندە جەر استىندا 787 ادام بولعان.

اتالعان وقيعادان كەيىن 450 شاحتەر قۇتقارىلدى دەپ حابارلادى Soma Komur تۇرىك شاحتاسىنىڭ وپەراتور- كومپانياسى.

460 ادام جۇمىلدىرىلعان قۇتقارۋ جۇمىستارى جالعاسۋدا.

اتاپ وتەيىك، 1941 - جىلدان بەرى تۇركيا شاحتالارىندا 3000 نان اسا ادام قازا بولدى. اپاتتاردىڭ ەڭ ءىرىسى 1992 - جىلدىڭ 3 - ناۋرىزىندا ورىن الدى. وندا 263 جۇمىسشى قازا بولعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى