الماتىدا بيىل 270 مىڭ بالا جازعى دەمالىسپەن قامتىلادى

«بيىل مەگاپوليس وقۋشىلارى ءۇشىن 209 مەكتەپ جانىنداعى جانە 20 قالا سىرتىنداعى ساۋىقتىرۋ لاگەرلەرى ۇيىمداستىرىلادى. سونىمەن قاتار، سەگىز اۋداننىڭ اكىمدىگى مەكتەپ جانىنداعى لاگەرگە باراتىن بالالاردى تەاترلارعا، مۇراجايلار مەن كىتاپحانالارعا تەگىن جىبەرەدى»، - دەپ جاۋاپ بەردى قازاقپارات جولداعان ساۋالعا قالالىق اكىمدىكتىڭ باسپا ءسوز قىزمەتى.

سونداي- اق، 750 بالا وقۋشىلار سارايىنىڭ «ورنەك» جازعى لاگەرىندە دەمالدى. ۇيىمداستىرۋ كەزىندە ءبىلىم بەرۋ جانە دامىتۋ باعدارلامالارىنا ەرەكشە نازار اۋدارىلماق.

سونداي- اق بالالار مەن جاسوسپىرىمدەر كلۋبتارى ويىن- ساۋىق، شەبەرلىك سىنىپتارىمەن جانە باسقا دا ءتۇرلى ءىس- شارالارمەن قامتىلادى.

«ماۋسىم ايىندا مەكتەپ جانىنداعى لاگەرلەردە 30 مىڭنان استام بالا دەمالادى. ونىڭ ىشىندە الەۋمەتتىك وسال وتباسىنان شىققان 18120 وقۋشى، ەرەكشە ءبىلىم بەرۋ قاجەتتىلىگى بار 4263 بالا جانە ءارتۇرلى جەتىستىكتەرىگە قول جەتكىزگەن 7617 وقۋشى بار» ، - دەپ اتاپ ءوتتى اكىمدىك وكىلدەرى.

بۇدان بولەك، بەكىتىلگەن جازعى دەمالىس كەستەسىنە سايكەس، كوپبالالى جانە از قامتىلعان وتباسىلارىنان شىققان 3400 بالا، اتا- اناسىنىڭ قامقورلىعىنسىز قالعان 100 وقۋشى، سونداي- اق ەرەكشە ءبىلىم بەرۋدى قاجەت ەتەتىن بالالار قالا سىرتىنداعى ساۋىقتىرۋ لاگەرلەرىندە دەمالادى.

بۇعان دەيىن الماتى قالالىق سانيتاريالىق- ەپيدەميولوگيالىق باقىلاۋ دەپارتامەنتى جازعى ساۋىقتىرۋ لاگەرلەرىنە قويىلاتىن تالاپتاردى اتاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى