وزبەكستان پرەزيدەنتى 2700 ادامعا راقىمشىلىق جاريالادى
وزبەكستان رەسپۋبليكاسى كونستيتۋتسياسىنىڭ قابىلدانعانىنا 25 جىل تولار تۇستا وزبەكستان پرەزيدەنتى شاۆكات ميرزيەيەۆ 2700 ادامعا راقىمشىلىق جاريالاۋ تۋرالى جارلىققا قول قويدى. ول قانداي دا ءبىر جاعدايلارعا بايلانىستى قىلمىس جاساۋعا ءماجبۇر بولعان، وزدەرىنىڭ ىستەگەندەرىنە شىن جۇرەكتەن وكىنەتىن، دۇرىس جولعا تۇسكەن، ءوزى تۇراتىن جەردەگى جانە جازاسىن وتەۋگە ارنالعان مەكەمە قىزمەتكەرلەرى تاراپىنان وڭ باعالانعان 956 ازاماتتى قاماۋدان بوساتۋ تۋرالى شەشىم قابىلدادى.
راقىمشىلىق شاراسى اياسىندا سوتتالعانداردىڭ شۇعىل وتباسىلارىنا قوسىلىپ، ەلدە جۇرگىزىلىپ جاتقان رەفورمالارعا بەلسەندى ۇلەس قوسۋ ءۇشىن قوعامعا قايتا ورالۋ مۇمكىندىگى بەرىلىپ وتىر.
