قازاقستاندا 27 مونوقالادا 1,4 ميلليون حالىق تۇرادى
ۇلتتىق ەكونوميكا ءمينيسترى الىبەك قۋانتىروۆ قازىرگى ۋاقىتتا رەسپۋبليكادا 27 مونوقالا بار ەكەنىن باياندادى.
1,4 ميلليون ادام تۇراتىن قالالاردا 32 قالا قۇراۋشى كاسىپورىن جۇمىس ىستەيدى.
2015 -جىلدان 2021 -جىلعا دەيىن اتالعان ەلدى مەكەندەردە ونەركاسىپ ءوندىرىسىنىڭ كولەمى 6,3 تەن 11,2 تريلليون تەڭگەگە دەيىن ءوستى، بۇل - ەل بويىنشا جالپى كورسەتكىشتىڭ 29 پايىزى.
بۇگىنگى تاڭدا 2,1 تريلليون تەڭگەگە 86 «زاكىرلى» جوبانىڭ پۋلى قالىپتاستىرىلدى.
بۇل جوبالار مونوقالالاردا تاۋ-كەن مەتاللۋرگيا جانە حيميا ونەركاسىبى، اۋىل شارۋاشىلىعى، قۇرىلىس، ماشينا جاساۋ جانە باسقا سالالاردا 18 مىڭنان استام جۇمىس ورنىن اشتى.
جالپى ولاردى ودان ءارى دامىتۋ ءۇشىن تۇرعىن ءۇي قورى مەن ينجەنەرلىك ينفراقۇرىلىم وبەكتىلەرىنە كۇردەلى جوندەۋ جۇرگىزۋگە بيۋدجەتتەن بولىنەتىن قاراجاتتىڭ جىل سايىنعى ءليميتىن ۇلعايتۋ، ەلدى مەكەندەردىڭ الەۋمەتتىك ماڭىزى بار پروبلەمالارىن شەشۋ بويىنشا ماستەر- جوسپارلار ازىرلەۋ، سونداي- اق جاڭا ينۆەستيتسيالىق جوبالاردى ىسكە اسىرۋ جونىندەگى جۇمىستى جانداندىرۋ ۇسىنىلادى.
بۇل تاسىلدەر قولداۋ تاپتى.
وسى ورايدا ءاليحان سمايىلوۆ مەملەكەت باسشىسى بەكىتكەن دامۋ باعدارلامالارىن ورىنداۋ كەزىندە ۆەدومستۆوارالىق ۇيلەستىرۋدى كۇشەيتۋ، سونداي-اق وڭىرلىك ەكونوميكانى ءارتاراپتاندىرۋ جانە ازاماتتاردى جۇمىسپەن قامتۋ ءۇشىن كەلەشەگى بار «زاكىرلى» جوبالاردىڭ تىزبەسىن وزەكتەندىرۋ قاجەتتىگىن اتاپ ءوتتى.
سونىمەن قاتار وتىرىستا تەمىرجول ماشيناسىن جاساۋ جانە اگروونەركاسىپ كەشەنى سالالارىنداعى وزەكتى ماسەلەلەر قارالدى.
